કિરીટ પટેલ બાયડ
અરવલ્લી જિલ્લાના નવનિર્મિત સાઠંબા તાલુકાના ગાબટ ખાતે આજરોજ વિકાસ સપ્તાહ રથનો શુભારંભ જિલ્લા શિક્ષણ અધિકારીશ્રી દ્વારા કરવામાં આવ્યો. આ પ્રસંગે વિકાસ સપ્તાહની ઉજવણી “24 વર્ષ: જનવિશ્વાસ, સેવા અને સમર્પણ”ની થીમ સાથે શરૂ કરવામાં આવી, જે રાજ્ય સરકારની લોકકલ્યાણકારી યોજનાઓને ગામડે-ગામડે અને ઘરે-ઘરે પહોંચાડવાના ઉદ્દેશ્યને પ્રતિબિંબિત કરે છે.વિકાસ સપ્તાહ રથનો મુખ્ય હેતુ સેવાસેતુ અને વિકાસ રથ દ્વારા સરકારની વિવિધ યોજનાઓ અને સેવાઓને લોકોના આંગણે પહોંચાડવાનો છે. આ રથ ગ્રામ્ય વિસ્તારોમાં ફરીને લોકોને સરકારી યોજનાઓની માહિતી આપશે અને તેનો લાભ લેવામાં મદદરૂપ થશે. આ પહેલ રાજ્ય સરકારની લોકો પ્રત્યેની પ્રતિબદ્ધતા અને સમર્પણને દર્શાવે છે, જેનો ઉદ્દેશ્ય દરેક નાગરિક સુધી વિકાસની ગંગા પહોંચાડવાનો છે.મામલતદાર કચેરી અને તાલુકા વિકાસ અધિકારીની કચેરીના કર્મચારીઓ દ્વારા અનેક યોજનાઓની વિગતવાર માહિતી આપવામાં આવી, જેમાં આયુષ્માન ભારત, પ્રધાનમંત્રી આવાસ યોજના, ઉજ્જવલા યોજના અને શિક્ષણ સંબંધિત યોજનાઓનો સમાવેશ થાય છે. લાભાર્થીઓએ પોતાના પ્રતિભાવ આપતા આ યોજનાઓના લાભ અને તેની અસરકારકતા અંગે સકારાત્મક પ્રતિસાદ વ્યક્ત કર્યો.જિલ્લા શિક્ષણાઅધિકારીશ્રીએ સંબોધન કરતા જણાવ્યું કે, “આ વિકાસ સપ્તાહ રથ એક અનોખી પહેલ છે, જે ગ્રામીણ વિસ્તારોના લોકોને સરકારી યોજનાઓનો સીધો લાભ પહોંચાડશે. આ રથ દ્વારા શિક્ષણ, આરોગ્ય, રોજગાર અને અન્ય કલ્યાણકારી યોજનાઓની માહિતી ઘરે-ઘરે પહોંચશે, જેથી દરેક નાગરિક સશક્ત અને સ્વાવલંબી બને. આપણે સૌએ સાથે મળીને આ પહેલને સફળ બનાવવા માટે સહયોગ આપવો જોઈએ.”
આ કાર્યક્રમ દરમિયાન, તાલુકા પ્રમુખશ્રી, મામલતદારશ્રી, તાલુકા વિકાસ અધિકારીશ્રી, તાલુકાના પદાધિકારીશ્રીઓ, ગામના સરપંચશ્રી, અન્ય અધિકારીશ્રીઓ તેમજ મોટી સંખ્યામાં તાલુકાના ગ્રામજનો ઉપસ્થિત રહ્યા હતા. વિકાસ રથને લીલી ઝંડી આપીને રવાના કરવામાં આવ્યો, જે ગ્રામીણ વિસ્તારોમાં જાગૃતિ ફેલાવશે અને સરકારી યોજનાઓનો લાભ છેવાડાના માનવી સુધી પહોંચાડશે. આ રથની મુલાકાત દરમિયાન ગ્રામજનોને વિવિધ યોજનાઓની વિગતવાર માહિતી આપવામાં આવશે, તેમજ તેનો લાભ લેવા માટે માર્ગદર્શન પૂરું પાડવામાં આવશે.
કાર્યક્રમણા અંતે દરેકે શપથ ગ્રહણ કર્યા.
