પંચમહાલ શહેરા
નિલેશભાઈ દરજી શહેરા 
ગોધર તાલુકા, રાફઈ:
મહિસાગર જિલ્લાના ગોધર તાલુકા રાફઈ ખાતે 212 લીમ્બાચીયા વાળંદ સમાજ દ્વારા સ્નેહ મિલન કાર્યક્રમનો ભવ્ય આયોજન કરવામાં આવ્યું. સમાજના સભ્યોની વિશાળ ઉપસ્થિતિ વચ્ચે યોજાયેલા આ કાર્યક્રમમાં શિક્ષણ, કેળવણી અને સામાજિક ચેતના પર ખાસ ભાર આપવામાં આવ્યો.
કાર્યક્રમ દરમિયાન ધોરણ 10 અને 12માં શ્રેષ્ઠ પ્રદર્શન કરનાર સમાજના વિદ્યાર્થીઓને રોકડ ઇનામ અને ટ્રોફી આપી સન્માનિત કરવામાં આવ્યા. ઉપરાંત વિવિધ ક્ષેત્રોમાં ઉત્તમ કાર્યો કરનાર યુવાનોને પણ પ્રશસ્તિપત્રથી નવાજવામાં આવ્યા.
સામાજ માટે વર્ષો સુધી સેવા આપનાર વયનિવૃત કર્મચારીઓ તથા તાજેતરમાં સરકારી નોકરીમાં પસંદગી મેળવનાર યુવાનોનું પણ સન્માન કરવામાં આવ્યું. સમાજના વિકાસ અને પ્રેરણાત્મક મોડેલ તરીકે તેઓને વિશેષ અભિનંદન પાઠવાયા.
કેળવણી મંડળ દ્વારા સમાજમાં પ્રચલિત કુરિવાજો અંગે જાગૃતતા લાવવા માટે માર્ગદર્શક ચર્ચાનું આયોજન કરવામાં આવ્યું હતું. સાથે જ આવનારા સમયમાં સમૂહ લગ્નોત્સવનું આયોજન કરવાની મહત્વપૂર્ણ જાહેરાત પણ કરવામાં આવી.
આ કાર્યક્રમ સમાજ એકતા, પ્રગતિ અને શિક્ષણ પ્રત્યેના સંકલ્પને વધુ મજબૂત બનાવનાર સાબિત થયો.
