લુણાવાડા ખાતે માર્ગ સલામતી માસ અંતર્ગત નિઃશુલ્ક આંખો નોતપાસ કેમ્પ યોજાયો…
રિપોર્ટર… અમીન કોઠારી મહીસાગર
માર્ગ સલામતી માસ ૨૦૨૬ ની ઉજવણીના ભાગરૂપે એઆરટીઓ (ARTO) લુણાવાડા અને જિલ્લા ટ્રાફિક પોલીસ દ્વારા એક વિશેષ પહેલ કરવામાં આવી હતી. વાહન ચાલકોની સુરક્ષા અને માર્ગ અકસ્માતો ઘટાડવાના ઉમદા હેતુથી, ડૉ. યશ ગાંધી અને લાયન્સ ક્લબના સહયોગથી લુણાવાડાની ‘ત્રિનેત્રક આંખની હોસ્પિટલ’ ખાતે નિઃશુલ્ક આઈ ચેકઅપ કેમ્પનું ભવ્ય આયોજન કરવામાં આવ્યું હતું. સલામત ડ્રાઇવિંગ માટે દ્રષ્ટિની સ્પષ્ટતા અત્યંત અનિવાર્ય હોવાથી આ કેમ્પમાં બહોળી સંખ્યામાં લોકો અને વાહન ચાલકો જોડાયા હતા.
આ કેમ્પ દરમિયાન નિષ્ણાત તબીબો દ્વારા ઉપસ્થિત નાગરિકોની આંખોની સંપૂર્ણ અને ઝીણવટભરી તપાસ વિનામૂલ્યે કરવામાં આવી હતી. કાર્યક્રમમાં ઉપસ્થિત અધિકારીઓએ જણાવ્યું હતું કે, માર્ગ પર વાહન ચલાવતી વખતે ડ્રાઇવરની આંખની ક્ષમતા સીધી રીતે સુરક્ષા સાથે જોડાયેલી છે, તેથી સમયાંતરે આંખની તપાસ કરાવવી જરૂરી છે. આ આયોજનને સફળ બનાવવા માટે લાયન્સ ક્લબના સભ્યો, પોલીસ વિભાગ અને હોસ્પિટલના સ્ટાફ દ્વારા ભારે જહેમત ઉઠાવવામાં આવી હતી, જે બદલ સ્થાનિક લોકોએ આ પ્રેરણાદાયી કામગીરીને બિરદાવી હતી.
