ભારત હેવી ઇલેક્ટ્રિકલ્સ ને ભેલ (૪૯%) અને કોલ ઇન્ડિયા (૫૧%) ની સંયુક્ત સાહસ કંપની ભારત કોલ ગેસિફિકેશન એન્ડ કેમિકલ્સ (બીસીજીસીએલ) તરફથી લગભગ રૂ.૫૪૦૦ કરોડનો સ્વીકૃતિ પત્ર (જીએસટી સિવાય) મળ્યો છે. આ ઓર્ડર ઓડિશાના ઝારસુગુડાના લખનપુર ખાતે બીસીજીસીએલ ના કોલસાથી ૨૦૦૦ ટીપીડી એમોનિયમ નાઇટ્રેટ પ્રોજેક્ટના કોલ ગેસિફિકેશન અને કાચા સિંગાસ ક્લિનિંગ પ્લાન્ટ માટે છે.
ઓર્ડરમાં એલએસટીકે ૦૧ પેકેજ માટે ડિઝાઇન, એન્જિનિયરિંગ, સાધનોનો પુરવઠો, સિવિલ વર્ક્સ, ઇરેક્શન, કમિશનિંગ અને ઓ એન્ડ એમ સેવાઓનો સમાવેશ થાય છે. આ પ્રોજેક્ટ એલઓએલ ની તારીખથી ૪૨ મહિનાની અંદર પૂર્ણ કરવાનો છે (કમિશનિંગ અને પર્ફોર્મન્સ ગેરંટી ટેસ્ટ); અને ત્યારબાદ ૬૦ મહિના માટે સંચાલન અને જાળવણી સેવાઓ રહેશે.ભારત હેવી ઇલેક્ટ્રિકલ્સ (ભેલ) એ ભારતીય કેન્દ્રીય જાહેર ક્ષેત્રની એક કંપની છે અને સરકારની માલિકીની સૌથી મોટી વીજ ઉત્પાદન ઉપકરણોનું ઉત્પાદન કરે છે.
