ડાંગ જિલ્લામાં ગુજરાત વિધાનસભા નાયબ મુખ્ય દંડક વિજયભાઇ પટેલના હસ્તે લાભાર્થીઓને આવાસ ઓર્ડર વિતરણ કરાયા..

વાત્સલ્યમ સમાચાર

    મદન વૈષ્ણવ

નિયામક શ્રી આદિજાતી વિકાસની કચેરી (ગુજરાત સરકાર) હેઠળ વ્યક્તિગત ધોરણે આવાસ યોજના અંતર્ગત મકાન બનાવવા માટે સહાય પૂરી પાડવામાં આવે છે. આ યોજના અંતર્ગત વર્ષ ૨૦૨૫-૨૬ મંજૂર થયેલ ધવલીદોડ ગામના ૧૦ લાભાર્થીઓને આજરોજ ગુજરાત વિધાનસભા નાયબ મુખ્ય દંડકશ્રી વ ડાંગના ધારાસભ્ય શ્રી વિજયભાઇ પટેલના હસ્તે આહવા તાલુકા પંચાયત કચેરી ખાતે આવાસ ઓર્ડર વિતરણ કરાયા હતા. આ લાભાર્થીઓને પ્રથમ હપ્તા પેટે વ્યક્તિગત રૂપિયા ૩૦૦૦૦ ની સહાય ચૂકવણી કરવામાં આવી હતી. આ પ્રસંગે આહવા તાલુકા પંચાયત પ્રમુખ  સુરેશભાઇ ચૌધરી, ઉપ પ્રમુખ કમલેશ વાધમારે, ધવલીદોડના આગેવાન રમેશભાઇ ગાંગોડા સહિતના પદાધિકારીશ્રીઓ તેમજ લાભાર્થીઓ ઉપસ્થિત રહ્યાં હતાં.

Sorry, there was a YouTube error.