વાત્સલ્યમ સમાચાર પ્રવિણભાઇ ચૌહાણ વાવ થરાદ
સરદારકૃષિનગર દાંતીવાડા કૃષિ યુનિવર્સિટી (SDAU) સંચાલિત કૃષિ મહાવિદ્યાલય, થરાદના વિદ્યાર્થીઓ તથા પ્રાધ્યાપક વર્ગે ISRO દ્વારા આયોજિત “સ્પેસ ઓન વ્હીલ્સ” પ્રદર્શનમાં ઉત્સાહભેર અને નોંધપાત્ર ભાગ લીધો. અંતરિક્ષ વિજ્ઞાન અને અંતરિક્ષ ટેકનોલોજી અંગે સમાજમાં વૈજ્ઞાનિક જાગૃતિ ફેલાવવાના હેતુથી આયોજિત આ અનોખા આઉટરીચ કાર્યક્રમ દ્વારા વિદ્યાર્થીઓને અંતરિક્ષ વિજ્ઞાનની દુનિયાની નજીકથી ઓળખ કરાવવામાં આવી હતી.
કાર્યક્રમ દરમિયાન ભારતના મહત્વપૂર્ણ અંતરિક્ષ મિશનો, ઉપગ્રહ ટેકનોલોજી, રીમોટ સેન્સિંગ, જી.આઈ.એસ. (GIS), નૅવિગેશન સિસ્ટમ્સ તથા ડિજિટલ સેટેલાઈટ એપ્લિકેશન્સ અંગે વિસ્તૃત માહિતી આપવામાં આવી હતી. ખાસ કરીને ખેતી ક્ષેત્રમાં અંતરિક્ષ ટેકનોલોજીનો ઉપયોગ જેમ કે પાક નિરીક્ષણ, જમીન ઉપયોગના નકશા, પાણી વ્યવસ્થાપન, દુષ્કાળ અને પૂર જેવી આપત્તિઓનું પૂર્વાનુમાન, હવામાન આગાહી તથા ગ્રામિણ વિકાસમાં સેટેલાઈટ આધારિત સેવાઓની ભૂમિકા વિષે વિદ્યાર્થીઓને વ્યવહારુ અને વૈજ્ઞાનિક સમજ આપવામાં આવી હતી.
આ પ્રસંગે કૃષિ મહાવિદ્યાલય, થરાદના આચાર્યશ્રી ડૉ. આર. એલ. મીના સાહેબ સાથે “સ્પેસ ઓન વ્હીલ્સ” કાર્યક્રમના પ્રતિનિધિમંડળે સૌજન્ય મુલાકાત લીધી હતી. મુલાકાત દરમિયાન અંતરિક્ષ વિજ્ઞાન, શૈક્ષણિક સહયોગ, વિદ્યાર્થીઓમાં વૈજ્ઞાનિક દૃષ્ટિકોણ વિકસાવવાના પ્રયાસો તથા ભવિષ્યમાં આવા વૈજ્ઞાનિક જાગૃતિ કાર્યક્રમોને વધુ વ્યાપક બનાવવા અંગે સકારાત્મક ચર્ચા કરવામાં આવી હતી. આચાર્યશ્રીએ ISRO દ્વારા કરવામાં આવતી આવી
પહેલોની પ્રશંસા કરી અને વિદ્યાર્થીઓ માટે આ પ્રકારના કાર્યક્રમોને અત્યંત પ્રેરણાદાયક અને માર્ગદર્શક ગણાવ્યા હતા. ઇન્ટરેક્ટિવ પ્રદર્શનો, મોડલ્સ, ડિજિટલ ડિસ્પ્લે અને માહિતીપ્રદ સત્રો દ્વારા વિદ્યાર્થીઓ અને ફેકલ્ટી સભ્યોએ ISROની સિદ્ધિઓ, વૈજ્ઞાનિક સંશોધન અને અંતરિક્ષ કાર્યક્રમોના રાષ્ટ્રીય વિકાસમાં થયેલા યોગદાનને નજીકથી સમજવાની તક પ્રાપ્ત કરી હતી. આ કાર્યક્રમથી વિદ્યાર્થીઓમાં વૈજ્ઞાનિક વિચારધારા (scientific temper), નવીનતા પ્રત્યે રસ, સંશોધન ભાવના અને અંતરિક્ષ વિજ્ઞાન પ્રત્યે ઉત્સુકતા વિકસિત થઈ હતી.
“સ્પેસ ઓન વ્હીલ્સ” જેવી પહેલ દ્વારા યુવાનોમાં વિજ્ઞાન પ્રત્યે સકારાત્મક દૃષ્ટિકોણ વિકસે, વૈજ્ઞાનિક શિક્ષણ મજબૂત બને અને ભવિષ્યના વૈજ્ઞાનિકો અને ટેકનોલોજી નિષ્ણાતો તૈયાર થાય તે દિશામાં આ કાર્યક્રમ અત્યંત પ્રેરણાદાયક સાબિત થયો હતો.
આ કાર્યક્રમનું સફળ આયોજન સરદારકૃષિનગર દાંતીવાડા કૃષિ યુનિવર્સિટીના સહયોગથી ભારતીય અંતરિક્ષ સંશોધન સંસ્થા (ISRO), ગુજરાત ઊર્જા વિકાસ એજન્સી (GEDA), ચિલ્ડ્રન્સ યુનિવર્સિટી તથા વિજ્ઞાન ગુર્જરીના સંયુક્ત સહયોગથી કરવામાં આવ્યું હતું જેમાં તમામ સંસ્થાઓએ વૈજ્ઞાનિક જાગૃતિ ફેલાવવાના ઉદ્દેશ્યને સફળતાપૂર્વક સાકા
ર કર્યો હતો.
