નવસારી: બુલેટ ટ્રેન અને ટાઈડલ રેગ્યુલેટરની પ્રગતિથી માહિતગાર થયા કેન્દ્રીય મંત્રી સી.આર.પાટીલ
વાત્સલયમ સમાચાર
મદન વૈષ્ણવ
જનકલ્યાણના 12 વર્ષ નિમિત્તે યોજાયેલી યાત્રામાં વિકાસકાર્યોનું સ્થળ નિરીક્ષણ, અધિકારીઓ પાસેથી મેળવી વિગતવાર માહિતી
પ્રગતિપથ યાત્રા અંતર્ગત નવસારીના મહત્વાકાંક્ષી પ્રોજેક્ટોની મુલાકાત
પ્રધાનમંત્રી **Narendra Modi**ના નેતૃત્વ હેઠળ કેન્દ્ર સરકારના ‘વિશ્વાસ, વિકાસ અને જનકલ્યાણ’ના 12 વર્ષ પૂર્ણ થવાના અવસરે આયોજિત ‘પ્રગતિપથ યાત્રા’ અંતર્ગત આજે નવસારી જિલ્લાના ગણદેવી તાલુકામાં કેન્દ્રીય જળ શક્તિ મંત્રી C. R. Patil અને લોકસભાના મુખ્ય દંડક **Sanjay Jaiswal**એ જિલ્લાના બે મહત્વાકાંક્ષી વિકાસ પ્રોજેક્ટોની મુલાકાત લઈ કામગીરીની સમીક્ષા કરી હતી.
યાત્રા દરમિયાન મહાનુભાવોએ વાઘરેચ ટાઈડલ રેગ્યુલેટર અને **Mumbai–Ahmedabad High-Speed Rail Corridor**ના કેસલી ખાતે ચાલી રહેલા નિર્માણ કાર્યોનું સ્થળ નિરીક્ષણ કર્યું હતું. અધિકારીઓએ પ્રોજેક્ટોની હાલની સ્થિતિ, ટેક્નોલોજી અને ભાવિ લાભો અંગે વિસ્તૃત માહિતી આપી હતી.
વાઘરેચ ટાઈડલ રેગ્યુલેટર ખાતે અધિકારીઓએ જળસંચય, દરિયાઈ ખારાશના નિયંત્રણ અને ખેડૂતોને સિંચાઈ માટે પૂરતું પાણી ઉપલબ્ધ કરાવવામાં આ પ્રોજેક્ટની મહત્વપૂર્ણ ભૂમિકા અંગે રજૂઆત કરી હતી. મહાનુભાવોએ સ્થળ પર જઈ કામગીરીની વિગતો મેળવી હતી.
ત્યારબાદ કેસલી ખાતે નિર્માણાધીન મુંબઈ-અમદાવાદ હાઈસ્પીડ રેલ (બુલેટ ટ્રેન) પ્રોજેક્ટની મુલાકાત દરમિયાન આધુનિક ઇજનેરી, વિશ્વસ્તરીય માળખાકીય સુવિધાઓ અને પ્રોજેક્ટની ઝડપી પ્રગતિ અંગે માહિતગાર કરવામાં આવ્યા હતા. ઉપસ્થિત આગેવાનો અને અધિકારીઓએ પ્રોજેક્ટના વિવિધ પાસાઓનું પ્રત્યક્ષ અવલોકન કર્યું હતું.
આ પ્રસંગે રાજ્યના નાણાં, શહેરી વિકાસ અને શહેરી ગૃહ નિર્માણ મંત્રી Kanubhai Desai, આદિજાતિ વિકાસ, ખાદી અને ગ્રામોદ્યોગ મંત્રી Naresh Patel, જિલ્લા પંચાયત પ્રમુખ Niraliben Nayak, નવસારીના ધારાસભ્ય Rakesh Desai, જિલ્લા સંગઠન પ્રમુખ Bhurabhai Shah, ચીખલી પ્રાંત અધિકારી Mitesh Patel, જિલ્લા તથા તાલુકા પંચાયતના સભ્યો, સ્થાનિક આગેવાનો અને વિવિધ વિભાગોના અધિકારીઓ ઉપસ્થિત રહ્યા હતા.
