તાહિર મેમણ : દેડીયાપાડા તાલુકા ના બલ ગામે આકસ્મિક રીતે ઘરો સળગી ગયેલ હતા તે પરિવારજનો ને આજ રોજ તારીખ:03/01/2023 ના રોજ 149 દેડીયાપાડા વિધાનસભા ના ધારાસભ્ય ચૈતર વસાવા ના ધર્મ પત્ની શકુંતલાબેન ના હસ્તે જીવન જરૂરિયાત ચિજ વસ્તુઓનું વિતરણ કરવામાં આવ્યુ. સ્થળ પર સમાજ ના આગેવાનો પણ ઉપસ્થિત રહ્યા.

આ પેહલા ડેડીયાપાડા તાલુકાના બલ ગામે કોઈક અગમ્ય કારણોસર કાચા મકાનોમાં આગ ફાટી નીકળતા નજીકના હેન્ડપમ્પ ઉપરથી પાણી લાવીને આગ ઉપર કાબુ મેળવવાનો ગ્રામજનો દ્વારા નિરર્થક પ્રયાસ કરવામાં આવી રહ્યો હતો .

ડેડીયાપાડા સાગબારા તાલુકાના ગામોમાં આવી આગ લાગવાની ઘટનાઓ પ્રતિવર્ષ બનતી હોવા છતા તંત્ર દ્વારા અહીં ફાયર સ્ટેશન ઉભું કરવા માટે કોઈજ પ્રયાસો હાથ ધરવામાં આવતા નથી.પ્રતિવર્ષ આગ ફાટી નીકળવા ના કારણે કઈ કેટલાય ગરીબોના મહેનતથી ઉભા કરેલા મકાનો ની સાથે જીવનની પુરી કમાણી પણ આગમાં બળીને સ્વાહા થઈ જાય છે ત્યારે તેને બચાવવા પોતે નિસહાય બની જતા હોય છે. ડેડીયાપાડા, સાગબારા તાલુકાના નવા ધારાસભ્ય ચૈતર વસાવા પાસે આશા ઊભી થઈ છે કે હવે તેવો જ ફાયર સ્ટેશન ઉભું થાય તેવા પ્રયાસો કરે તેવી હાલ માંગ ઉઠી છે.