અરવલ્લી
અહેવાલ
અરવલ્લી જીલ્લામાં આરોગ્ય વિભાગ દ્વારા “વિશ્વ હાયપરટેન્શન દિવસ” ની ઉજવણી કરવામાં આવી.
અરવલ્લી જીલ્લામાં આરોગ્ય સુખાકારી અને તંદુરસ્ત જીવનશૈલી અંગે જનજાગૃતિ કેળવવા મુખ્ય જીલ્લા આરોગ્ય અધિકારીશ્રીના માર્ગદર્શન હેઠળ આજે તા.૧૭ મી મે ૨૦૨૫ નાં રોજ “વિશ્વ હાયપરટેન્શન દિવસ” ની થીમ ૨૦૨૫ “તમારું બી.પી. ચોકસાઈથી માપો, નિયંત્રિત રાખો અને દીર્ઘ આયુષ્ય મેળવો! “નિયમિત તપાસ = આરોગ્યમય જીવન” અંતર્ગત જીલ્લાના તમામ આયુષ્યમાન આરોગ્ય મંદિર ખાતે નિ:શુલ્ક આરોગ્ય ચકાસણી કેમ્પ યોજાયા.
જેમાં લોહીના ઉંચા દબાણની માપણી,ડાયાબીટીસ તપાસ તેમજ મેદસ્વીતા બાબતે વજન,ઊંચાઈ કરી (BMI) ની ચકાસણી કરવામાં આવેલ હતી.
૩૦ થી વધુ ઉમરના લોકોએ વર્ષમાં એકવાર ડાયાબિટીસ અને બીપીની તપાસ અવશ્ય કરાવવી જોઈએ. આજરોજ જીલ્લાની તમામ આરોગ્ય સંસ્થાઓ ખાતે આ કામગીરી હાથ ધરવામાં આવી.
જીલ્લા સેવા સદન,કલેક્ટર કચેરી અરવલ્લી અને જીલ્લા પંચાયત-મોડાસા,આરોગ્ય શાખા ખાતે તમામ અધિકારી શ્કર્મચારી અને મુલાકાતીઓની બીપી, ડાયાબીટીસ અને બીએમઆઈ (BMI) ની ચકાસણી કરવામાં આવી. લોહીના ઊંચા દબાણથી થતા નુકશાન ,અનિયમિત દવા,બેઠાડું જીવન,તંદુરસ્ત જીવનશૈલી અંગે આઈ.ઈ.સી પત્રિકા વિતરણ કરી આરોગ્ય શિક્ષણ આપવામાં આવેલ. મેદસ્વિતા રોકવા માટે નિયમિત કસરત, સંતુલિત આહાર અને તબીબી સલાહ એ જ સાચા ઉપાય છે.
માન.કલેકટર,માન.ડીડીઓ દ્વારા મેદસ્વીતા મુક્ત ગુજરાત અંતર્ગત તમામ કર્મચારીશ્રીઓના BMI મપાવી તેઓને તંદુરસ્ત જીવનશૈલી તરફ આહ્વાન કરેલ.આ કેમ્પમાં મા.મંત્રી ભીખુસીહ પરમાર,અન્ન અને નાગરિક પુરવઠા તેમજ ભિલોડાનાં ધારાસભ્ય પી.સી.બરંડા, જીલ્લા પંચાયત પ્રમુખ પ્રિયંકાબેન ડામોર,સામાજિક ન્યાય સમિતિનાં ચેરમેન , કલેકટર, ડીડીઓ, અધિકારી,કર્મચારી હાજર રહી માર્ગદર્શન આપેલ.
આમ, આ જીલ્લા કક્ષાના કેમ્પમાં અંદાજિત ૨૩૪ લોકોએ બહોળી સંખ્યામાં લાભ લીધો.જીલ્લા કક્ષાનાં નિદાન કેમ્પમાં પ્રાથમિક તપાસમાં હાયપરટેન્શન, ડાયાબિટીસનાં કુલ ૨૪ દર્દોઓ નોંધાયેલ હતા. નિર્ધારિત કરતા વધુ BMI જણાઈ આવતા હતા.
ડાયાબિટીસ અને બીપીની નિયમિત તપાસ ના કરાવવી અથવા નિદાન થયા પછી પણ નિયમિત પુરતી સારવાર ના લેવાથી સ્ટ્રોક,હૃદયરોગ,કિડની બીમારી,આંખે અંધાપો વિગેરે જેવા જીવલેણ આડઅસરો થવાની શક્યતાઓ રહેલી હોય છે ચોકસાઈથી બી.પી. માપો, સમયસર નિયંત્રિત કરો અને લાંબું સુખદ જીવન જીવો..! જ તમારું બી.પી. ચકાસો – આરોગ્ય છે તો જીવન છે!
