મોજ ડેમના ૧૨ દરવાજા ૪ ફૂટ ખોલવામાં આવ્યા : ડેમ ઓવરફ્લો થવાથી હેઠવાસમાં આવતા ગામોના લોકોને સાવચેત રહેવા સૂચના

તા.૧૦/૭/૨૦૨૩

વાત્સલ્યમ્ સમાચાર

ફોકલ ઓફિસર અને અધિક્ષક ઇજનેર, રાજકોટ સિંચાઈ વર્તુળ, ફ્લડ સેલ તરફથી જણાવાયા મુજબ, ઉપલેટા તાલુકાના મોજીરા ગામ પાસે આવેલ સિંચાઈ યોજના નંબર – ૧૫૨ મોજ ડેમ તેની નિર્ધારિત સપાટીએ ભરાઈ ગયો છે. ડેમના ૧૨ દરવાજા ૪ ફૂટ ખોલવામાં આવ્યા છે. ડેમમાં હાલ ૧૨૬૯૬ કયુસેકના પ્રવાહની આવક જેટલી જ જાવક ચાલુ છે.

આથી, આ ડેમની હેઠવાસમાં આવેલા ઉપલેટા તાલુકાના મોજીલા, ગઢાવા, કેરાળા, ખાખી જાળિયા, નવનપર, સેવંત્રા, ઉપલેટા અને વાડલા ગામના લોકોને નદીના પટમાં અવરજવર ન કરવા અને સાવચેત રહેવા સૂચના આપવામાં આવે છે.