🚌 કોમી એકતાના પ્રતીક અને ‘રમા ટ્રાવેલ્સ’ના સ્થાપક જમનાદાસ બારૂનું નિધન: દેશલપર (ગુંતલી) પંથકમાં શોક

POOJA THACKER3 minutes agoLast Updated: November 20, 2025

2 1 minute read

રિપોર્ટ : પુજા ઠક્કર, મુંદરા – કચ્છ.

🚌 કોમી એકતાના પ્રતીક અને ‘રમા ટ્રાવેલ્સ’ના સ્થાપક જમનાદાસ બારૂનું નિધન: દેશલપર (ગુંતલી) પંથકમાં શોક

મૂળ દેશલપર (ગુંતલી) ગામના અને લોહાણા સમાજના અગ્રણી, સમાજસેવક ઠક્કર જમનાદાસ વિઠ્ઠલદાસ બારૂના અવસાનથી સમગ્ર દેશલપર (ગુંતલી) અને આસપાસના પંથકમાં શોકની લાગણી ફેલાઈ છે. ૬૨ વર્ષીય સદ્ગતના નિધનથી એક પ્રભાવશાળી અને લોકપ્રિય વ્યક્તિત્વની ખોટ પડી છે.

સ્વ. જમનાદાસ બારૂ, જેઓ ‘ડુંગરશી’ના ઉપનામથી પણ જાણીતા હતા, તેમણે જીવનકાળ દરમિયાન અનેક ક્ષેત્રોમાં નોંધપાત્ર સેવાઓ આપી હતી. તેમણે લોહાણા જ્ઞાતિની મધ્યસ્થ સમિતિના સભ્યપદે, નખત્રાણા તાલુકા લોહાણા મહાજનના સદસ્ય પદે અને દેશલપર (ગુંતલી)ના ઉપસરપંચપદે રહીને ગામ અને સમાજની સેવા કરી હતી.

તેમની સામાજિક પ્રતિબદ્ધતા માત્ર સમાજ પૂરતી સીમિત નહોતી. તેઓ નખત્રાણા તાલુકાના વાજબી ભાવની દુકાનદાર સંગઠન (FPS)ના પ્રમુખ પદે પણ રહ્યા હતા અને આ સમય દરમિયાન તેમણે દુકાનદારોના નડતા પ્રશ્નો તેમજ દેશલપર (ગુંતલી) વિસ્તારના રાશન કાર્ડ સહિતના અનેક પ્રશ્નોનું નિવારણ લાવવામાં મહત્ત્વની ભૂમિકા ભજવી હતી.

સ્વ. જમનાદાસ બારૂની સૌથી મોટી ઓળખ કોમી એકતાના પ્રતીક સમાન યાત્રાધામ હાજીપીરથી ભુજ સુધીની પ્રથમ ખાનગી બસ સેવા શરૂ કરવાની હતી, જે તેમણે “રમા ટ્રાવેલ્સ” નામથી શરૂ કરી હતી. આ પહેલ તેમની દૂરંદેશી અને લોકોની સુવિધા માટેની ભાવના દર્શાવે છે.

ગુરુવારે યોજાયેલી તેમની સ્મશાનયાત્રામાં દેશલપર (ગુંતલી) ગામના સામાજિક, રાજકીય આગેવાનો સહિત આજુબાજુના ગામના લોકો પણ મોટી સંખ્યામાં જોડાયા હતા અને સૌએ શ્રદ્ધાસુમન અર્પણ કરી શોક વ્યક્ત કર્યો હતો.