🚭 મુંદરાની શારદા મંદિર શાળામાં ‘વ્યસન મુક્તિ જાગૃતિ કાર્યક્રમ’ યોજાયો

POOJA THACKER3 hours agoLast Updated: November 25, 2025

13 1 minute read

રિપોર્ટ : પુજા ઠક્કર, મુંદરા – કચ્છ.

🚭 મુંદરાની શારદા મંદિર શાળામાં ‘વ્યસન મુક્તિ જાગૃતિ કાર્યક્રમ’ યોજાયો

મુંદરા,તા.25: મુંદરાની શારદા મંદિર પ્રાથમિક શાળા ખાતે રાષ્ટ્રીય તંબાકુ નિયંત્રણ કાર્યક્રમ અંતર્ગત એક મહત્વનો વ્યસન મુક્તિ જાગૃતિ કાર્યક્રમ યોજાયો હતો. આ કાર્યક્રમમાં નિવૃત હેલ્થ સુપરવાઇઝર બ્રહ્માકુમાર વિનોદભાઈ ઠક્કરે બાળકોને વ્યસનની ગંભીરતા વિશે વિસ્તૃત સમજણ આપી હતી. તેમણે વિદ્યાર્થીઓને વ્યસનમુક્ત જીવન જીવવાની શીખ આપીને સૌને વ્યસનમુક્તિના શપથ લેવડાવ્યા હતા.

હેલ્થ સુપરવાઇઝર પ્રકાશભાઈ ઠક્કરે વ્યસનના કારણે થતા કેન્સર અને ટીબી જેવા ગંભીર રોગો વિશે માહિતી આપી હતી. તેમણે બાળકોને બહારના કેમિકલયુક્ત નાસ્તાને બદલે ઘરનો પૌષ્ટિક આહાર લેવાની સલાહ આપી હતી. ત્યારબાદ બાળકોમાં જાગૃતિ વધારવા માટે એન્ડ્રોઇડ ટીવી સેટ દ્વારા વ્યસન મુક્તિ અંગે બાળકો દ્વારા જ તૈયાર કરાયેલા નાટકોનું પ્રદર્શન કરવામાં આવ્યું હતું.

કાર્યક્રમના સમાપન બાદ વ્યસન મુક્તિનો સંદેશ લોકો સુધી પહોંચાડવાના ઉદ્દેશ્ય સાથે બાળકો દ્વારા એક જાગૃતિ રેલીનું આયોજન કરવામાં આવ્યું હતું. રેલીમાં બાળકોએ ઉત્સાહભેર સૂત્રોચ્ચાર કરીને વ્યસન મુક્તિના સંદેશાઓ ફેલાવ્યા હતા.

આ કાર્યક્રમમાં શિક્ષણ વિભાગના સહદેવસિંહ જાડેજાએ ઉપસ્થિત સૌને ચૂંટણી કાર્ડના ફોર્મ ભરવાની પ્રક્રિયા વિશે જાણકારી આપી હતી અને આ માહિતી લોકો સુધી પહોંચાડવા અપીલ કરી હતી. આ સમગ્ર કાર્યક્રમને સફળ બનાવવા માટે કોમ્યુનિટી હેલ્થ ઓફિસર ખુશ્બુબેન અસારી અને આરોગ્ય કાર્યકર જીગ્નેશભાઈ પંચાલે સખત જહેમત ઉઠાવી હતી. અંતમાં શાળાના આચાર્યશ્રીએ સૌનો આભાર વ્યક્ત કર્યો હતો.