તા.૦૯.૦૩.૨૦૨૫
વાત્સલ્યમ્ સમાચાર
અજય સાંસી દાહોદ 
Limkheda:લીમખેડા તાલુકામાં પતિ પત્નીના ઝઘડા વચ્ચે કુશળ કાઉન્સેલિગ કરી સુખદ સમાધાન કરાવતી 181 મહિલા હેલ્પલાઇન
લીમખેડા તાલુકાના એક ગ્રામ્ય વિસ્તાર માંથી પીડિતા દ્વારા 181 હેલ્પલાઇન મા કોલ કરી મદદ માંગી જણાવ્યું હતું કે તેના પતિ દારૂનુ વ્યસન કરીને ઘરે આવી નશાની હાલતમાં પીડિતા ને અપશબ્દો બોલી માનસિક ત્રાસ આપી હેરાનગતિ કરે છે તેમજ પતિ દ્વારા વારંવાર ખૂબ જ માનસિક ત્રાસ આપતો હોવાથી અને ઘરમાં કોઈ ખર્ચ આપતા નથી તેમજ ઘરમાં તોડફોડ કરે છે જેથી તેના પતિથી કંટાળી તેને સમજાવવા માટે 181 ટીમની મદદ માંગી હતી. કોલ આવતા તુરંત 181 ટીમ ઘટના સ્થળે પહોંચી અને પિડીતા ને આશ્વાસન આપી કાઉન્સિલિગ કરતા જણાવા મળ્યું કે તેમના પતિ અવારનવાર નશો કરી ઘરે આવી અપશબ્દો બોલી માનસિક ત્રાસ આપી હેરાનગતિ કરે છે અને શંકા પણ કરે છે જેથી 181 ટીમ દ્વારા બંને પક્ષોની વાતચીત સાંભળી તેમને સલાહ સૂચન અને માર્ગદર્શન આપી તેમજ અસરકારક કાઉન્સિલિગ કરી પીડિતાના પતિને સમજાવેલ કે વ્યસન સ્વાસ્થ્ય માટે હાનીકારક છે અને પત્નીને આમ હેરાનગતિ કરવી તે ગુનો બને છે તે વિશે ની સમજ આપેલ તેમજ તેમને કાયદાનું ભાન કરાવેલ જેથી તેમના પતિ પોતાની ભુલ સ્વીકારી હવે પછી આવી ભુલ નહીં થાય તેમજ પત્નીને હેરાન નહિ કરુ અને ઘર ની તમામ જવાબદારી પુરી કરીશ તેની બાંહેધરી આપેલ. આમ, પતિ પત્નીના સમસ્યાનુ સુખદ નિરાકરણ કરી બંને વચ્ચે સમાધાન કરાવેલ છે જેથી પિડીત મહિલા 181 મહિલા હેલ્પલાઇન ટીમનો ખૂબ ખૂબ આભાર માન્યો હતો…
