અરવલ્લી
અહેવાલ: હિતેન્દ્ર પટેલ
મોડાસા : વિદ્યાની નગરી કહેવાતા મોડાસા શહેરમાં ગવર્મેન્ટ એન્જિનિયરિંગ કોલેજમાં પ્રોફેસરે વિધાર્થીનીઓના વોટ્સએપ પર બીભત્સ મેસેજ કર્યા.!!! – રંગીન મિજાજી પ્રોફેસર સામે ફરિયાદ નોંધવાની માંગ
મોડાસા શહેરની ગવર્મેન્ટ એન્જિનિયરિંગ કોલેજમાં મનીષ ચૌહાણ નામના પ્રોફેસર દ્વારા પ્રથમ વર્ષમાં અભ્યાસ કરતી વિધાર્થીનીઓ પાસે વોટ્સએપ પર બીભત્સ મેસેજે કરી અયોગ્ય માંગણીઓની ઘટનાથી શૈક્ષણિક સંસ્થાની સંવેદનશીલ અને સુરક્ષિત છબી પર મોટો પ્રશ્નચિહ્ન ઉભો થયો છે.અરવલ્લી જિલ્લાના શામળાજી રોડ પર આવેલ સરકારી એન્જિનિયરિંગ કોલેજના વિધાર્થીઓ અને ABVP અરવલ્લી દ્વારા ભારે આક્રોશ સાથે સુત્રોચ્ચાર કરતા તણાવપૂર્ણ પરિસ્થિતિ સર્જાઈ હતી.જ્યારે કોલેજના પ્રોફેસર મનીષ ચૌહાણ પર ચાર જેટલી વિદ્યાર્થિનીઓને બિભત્સ અને અશ્લીલ મેસેજ મોકલ્યા હોવાના વોટ્સએપ ચેટ સાથેના આક્ષેપો સામે આવતા કોલેજના વિધાર્થીઓ ભોગ બનનાર વિદ્યાર્થીનીઓના સમર્થનમાં હલ્લાબોલ કરીને ધરણા પ્રદર્શન યોજી વિરોધ પ્રદર્શિત કર્યો હતો.મળતી માહિતી અનુસાર, છેલ્લા એક અઠવાડિયામાં પ્રોફેસરે ચાર વિદ્યાર્થિનીઓને વિવિધ સમયે વ્યક્તિગત વોટ્સએપ મેસેજ કર્યા, જેમાં અશ્લીલ ભાષા અને અયોગ્ય માંગણીઓ સામેલ હતી.વિદ્યાર્થિનીઓએ હિંમત કરીને આ મામલો પોતાના મિત્રો સામે રજુ કર્યો, ત્યારબાદ ચેટના સ્ક્રીનશોટ બહાર આવ્યા અને આ મુદ્દો આગની જેમ સમગ્ર કોલેજમાં ફેલાઈ ગયો.હજારો વિદ્યાર્થીઓ એકસાથે કોલેજ કેમ્પસમાં એકત્ર થયા, અને હલ્લાબોલ – ન્યાય જોઈએના સૂત્રોચ્ચાર સાથે પ્રચંડ વિરોધ શરૂ કર્યો હતો.વિદ્યાર્થીઓના આક્રોશને ટેકો આપતા ABVPના કાર્યકરો પણ કેમ્પસમાં ઉતરી આવ્યા અને પ્રિન્સિપાલને આવેદનપત્ર આપી તરત રંગીન મિજાજી પ્રોફેસર મનીષ ચૌહાણ સામે ફરિયાદ નોંધવાની ઉગ્ર માંગ કરી હતી.પરિસ્થિતિ ગંભીર બનતા મોડાસા ટાઉન પોલીસ ઘટના સ્થળે પહોંચી હતી પરંતુ પ્રોફેસર મનીષ ચૌહાણ કોલેજમાંથી ગાયબ થઈ ગયા છે અને હાલ ફરાર હોવાની માહિતી સામે આવી છે. સરકારી એન્જિનિયરિંગ કોલેજના પ્રિન્સિપાલે જીતેન્દ્ર વાઢેરે જણાવ્યું કે તપાસ માટે કમિટી રચાઈ છે અને પુરાવાના આધારે કડક કાર્યવાહી કરવામાં આવશે.પરંતુ વિદ્યાર્થીઓનો આક્રોશ હજુ શમ્યો નથી.તેમનો એક જ અવાજ છે કે “ન્યાય પ્રાપ્ત થાય ત્યાં સુધી આ લડત અટકવાની નહીં .આ ઘટના પછી મોડાસા શહેર અને અરવલ્લી જિલ્લામાં ચર્ચાનો વિષય બન્યો છે અને લોકોનો એક જ સવાલ —“વિદ્યાર્થીઓની સુરક્ષા કોના હાથમાં..?”
