Rajkot: એસ.આઈ.આર.(SIR) અંતર્ગત ૨૯ અને ૩૦ નવેમ્બરે મતદારો માટે વિશેષ કેમ્પ યોજાશે
તા.૨૭/૧૧/૨૦૨૫
વાત્સલ્યમ્ સમાચાર
Rajkot: ભારતના ચૂંટણીપંચ, નવી દિલ્હી દ્વારા જાહેર કરવામાં આવેલી તા.૦૧.૦૧.૨૦૨૬ની લાયકાતની તારીખના સંદર્ભમાં હાલ ચાલી રહેલા મતદારયાદીના ખાસ સઘન સુઘારણા કાર્યક્રમ (Special Intensive Revision – SIR) અંતર્ગત મુખ્ય નિર્વાચન અધિકારીશ્રીની સૂચના મુજબ મતદારોની સુવિધા માટે દરેક વિધાનસભા મતવિભાગોના વિસ્તારમાં તા.૨૯, ૩૦ નવેમ્બર,૨૦૨૫ના રોજ કેમ્પનું આયોજન કરવામાં આવી રહ્યું છે.
જેના ભાગરૂપે રાજકોટ જિલ્લાના ૭૫-ધોરાજી વિધાનસભા મતદાર વિભાગમાં નીચેના સ્થળોએ અને કેમ્પ યોજાશે. આ સિવાય તમામ ગ્રામ્ય વિસ્તારોમાં ગામની પ્રાથમિક શાળાઓ ખાતે પણ કેમ્પ યોજાશે.
તા.૨૯ નવેમ્બરે બપોરે ૧૨.૦૦થી સાંજે ૦૫.૦૦ સુધી અને તા.૩૦ નવેમ્બરે સવારે ૧૦.૦૦થી સાંજે ૦૫.૦૦ સુધી ઉપલેટા મામલતદાર કચેરી ખાતે બુથના ભાગ નં. ૭૬થી ૯૭, ઉપલેટા નગરપાલિકા ખાતે બુથના ભાગ નં. ૯૮થી ૧૧૭, ભાયાવદર નગરપાલિકા ખાતે બુથના ભાગ નં. ૧૩થી ૨૬, ધોરાજી મામલતદાર કચેરી ખાતે બુથના ભાગ નં.૧૬૩થી ૧૯૪, ધોરાજી નગરપાલિકા ખાતે બુથના ભાગ નં.૧૫૯ અને ૧૯૫થી ૨૨૪ માટે SIRનો ખાસ કેમ્પ યોજાશે.
આ ઉ૫ર મુજબના કેમ્પમાં મતદારોના ૨૦૦૨ના વર્ષની મતદારયાદીમાંથી નામ શોધવાની સુવિધા, ENUMERATION FORMS (ગણતરી ફોર્મ)કલેકટ કરવા, જે મતદારો કે તેઓના માતા, પિતા, દાદા, દાદીનું નામ ૨૦૦૨ની યાદીમાં મળેલ નથી તેવા મતદારો ઇચ્છે તો સ્વેચ્છાએ ENUMERATION FORMS (ગણતરી ફોર્મ) સાથે ભારતીય ચૂંટણી પંચ દ્વારા માન્ય કરવામાં આવેલ ૧૨ પુરાવાઓ પૈકીના પુરાવાઓ રજુ કરી શકશે.
