રિપોર્ટર. કાદિર દાઢી.હાલોલ
તા.૨૯.૮.૨૦૨૫
હાલોલ શહેરના કજરી રોડ પર આવેલ કલરવ શાળામાં ગણપતિ મહોત્સવ નિમિત્તે મૂર્તિ બનાવવાની સ્પર્ધાનું આયોજન કરવામાં આવ્યું હતુ જેમાં ધોરણ 6 થી 12 ના અંગ્રેજી અને ગુજરાતી માધ્યમ માંથી 150 વિદ્યાર્થીઓએ ઉત્સાહભેર ભાગ લીધો હતો આ સ્પર્ધામાં બધા જ વિદ્યાર્થીઓએ માટીમાંથી સુંદર અને કલાત્મક રીતે ગણપતિની મૂર્તિ બનાવી હતી જેમાં ઘણા બધા વિદ્યાર્થીઓએ મોતી, ઊનની દોરી, ટીલડી જેવી વિવિધ વસ્તુઓનો અને વિવિધ રંગોનો ઉપયોગ કરીને ખૂબ જ સુંદર તેમજ કલાત્મક રીતે મૂર્તિનો શણગાર કરવામાં આવ્યો હતો. આ મૂર્તિઓનું નિરીક્ષણ કરનાર નિરીક્ષકોએ પણ સૌથી ઉત્તમ મૂર્તિ બનાવનાર વિદ્યાર્થીઓને પ્રથમ, દ્વિતીય અને તૃતીય નંબર આપીને પ્રમાણપત્રથી પ્રોત્સાહિત કરવામાં આવ્યા હતા આમ આ સ્પર્ધામાં ભાગ લેનાર બધા જ વિદ્યાર્થીઓને શાળાના આચાર્ય ડૉ .કલ્પનાબેન જોશીપુરા અને શાળાના મેનેજિંગ ટ્રસ્ટી હાર્દિકભાઈ જોશીપુરા એ ભાગ લેનાર બધા જ વિદ્યાર્થીઓને અભિનંદન પાઠવ્યા હતા.
