પંચમહાલ ગોધરા
નિલેશભાઈ દરજી શહેરા 
ગુજરાત વિધાનસભાના ઉપાધ્યક્ષ જેઠાભાઈ ભરવાડના માર્ગદર્શન હેઠળ શહેરા તાલુકા અને નગરના શક્તિ કેન્દ્ર સંયોજકો માટે એક વિસ્તૃત અભ્યાસ વર્ગનું આયોજન કરવામાં આવ્યું હતું. શહેરા નગરપાલિકા હોલ ખાતે યોજાયેલા આ કાર્યક્રમમાં ભારતીય જનતા પાર્ટી (BJP)ના અનેક અગ્રણી નેતાઓ ઉપસ્થિત રહ્યા હતા.આ અભ્યાસ વર્ગમાં ગુજરાત વિધાનસભાના નાયબ મુખ્ય દંડક રમણભાઈ સોલંકી, પ્રદેશ અગ્રણી જીવરાજભાઈ ચૌહાણ, પંચમહાલના સાંસદ રાજપાલસિંહ યાદવ, જિલ્લા મંત્રી યોગેશભાઈ પંડ્યા, જિલ્લા BJP પ્રમુખ મયંક દેસાઈ, મહામંત્રી કુલદીપસિંહ સોલંકી, જિલ્લા ઉપપ્રમુખ જીગ્નેશભાઈ પાઠક, મંડળ પ્રમુખ ધર્મેન્દ્ર પટેલ, નગર પ્રમુખ તેજસ શાહ અને પૂર્વ અધ્યક્ષ મગનભાઈ પટેલિયા સહિતના મહાનુભાવોએ હાજરી આપી હતી.
આ ઉપરાંત, પૂર્વ મહામંત્રી સંજયકુમાર બારિયા અને હાજાભાઈ ગઢવી સહિત મંડળના મહામંત્રીઓ અને મોટી સંખ્યામાં કાર્યકર્તાઓ આ અભ્યાસ વર્ગમાં જોડાયા હતા. આ કાર્યક્રમનો મુખ્ય હેતુ શક્તિ કેન્દ્રના સંયોજકોને પક્ષની નીતિઓ અને કાર્યક્રમો વિશે માર્ગદર્શન આપવાનો હતો, જેથી સંગઠન વધુ મજબૂત બની શકે. આ બેઠકમાં ઉપસ્થિત તમામ નેતાઓએ કાર્યકર્તાઓને પક્ષના સંગઠનને વધુ મજબૂત બનાવવા માટે જરૂરી સૂચનો અને માર્ગદર્શન પૂરું પાડ્યું હતું.આ અભ્યાસ વર્ગમાં, સરકારી વિવિધ યોજનાઓ છેવાડાના ગામડાઓ સુધી કઈ રીતે સરળતાથી પહોંચી શકે તે અંગે ઊંડાણપૂર્વક ચર્ચા કરવામાં આવી હતી. આ સાથે જ, આગામી ચૂંટણીઓમાં સંગઠનને વધુ મજબૂત બનાવવા માટેની વ્યૂહરચનાઓ અને કાર્યપદ્ધતિઓ વિશે પણ વિગતવાર ચર્ચાઓ થઈ હતી. આ બેઠક દ્વારા પાર્ટી સંગઠનની પાયાની મજબૂતી પર ખાસ ભાર મૂકવામાં આવ્યો હતો.
