MORBI:મોરબી જિલ્લામાં ટ્રાફિક મા ટીઆરબી તરીકે ફરજ બજાવતા કર્મચારીઓને હજુ પગાર નથી મળ્યો
MORBI:મોરબી જિલ્લામાં ટ્રાફિક મા ટીઆરબી તરીકે ફરજ બજાવતા કર્મચારીઓને હજુ પગાર નથી મળ્યો!
(શ્રીકાંત પટેલ દ્વારા મોરબી)
મહત્તમ ભાગે સરકારી કર્મચારીઓ અને ફેક્ટરી, સંસ્થા માં કામ કરતા કર્મચારીઓને દશ તારીખ સુધીમાં પગાર મળી જતા હોય છે ત્યારે મોરબી જિલ્લામાં પોલીસ તંત્રમાં ટ્રાફિક વિભાગમાં ટીઆરબી તરીકે ફરજ બજાવતા કર્મચારીઓને ગયા માસ નો પગાર આજ દિન સુધી મળ્યો નથી ત્યારે પગારના પૈસા માંથી ઉધાર લીધું હોય તેના વાયદા ખોટા પડી રહ્યા હોય ઘણા કર્મચારીઓને મુશ્કેલીઓ પડી રહી છે. મોરબી જિલ્લામાં ટ્રાફિક વિભાગમાં પાંચે તાલુકામાં ટીઆરબી તરીકે યુવક અને યુવતીઓ ફરજ બજાવી રહ્યા છે તેમને જિલ્લા ટ્રાફિક એજ્યુકેશન ટ્રસ્ટ જેવી કોઈ સંસ્થા થી પગાર ચુકવવામાં આવે છે. જે મોટાભાગે દશ તારીખ ની આસપાસ ચુકવી આપતા હોય છે પરંતુ ગયા મહિના નો પગાર આ મહીના ની દશ તારીખ સુધીમાં થઇ જવો જોઈએ પરંતુ આજે અઢાર તારીખ સુધીમાં પગાર નથી થયો તેવો રીપોર્ટ જાણવાં મળ્યો છે. ઘણા ટીઆરબી કર્મચારીઓ આ પગાર નાં નાણાં મળે ત્યારે કરીયાણા નું અને દુધ દહી અને શાકભાજી નું ચુકવણું કરે છે. ત્યારે આ સમયસર પગાર નહીં મળતા તેમના વાયદો ખોટા પડી રહ્યા છે ત્યારે કોઈ ટીઆરબી કર્મચારી નો વહેવાર તુટી જાય તે પહેલાં તાત્કાલિક ટીઆરબી કર્મચારીઓને પગાર ચુકવવામાં આવે તેવી વ્યવસ્થા કરવી જોઈએ તેવું ટીઆરબી કર્મચારી ફરજ બજાવતા કેટલાક નાં પરીવાર જનો ઇચ્છી રહ્યા છે.
