દુનિયાના ખુંખાર આતંકવાદી અબ્દુલ્લા મક્કી મુસ્લીહ અલ-રિફાઈને અમેરિકા-ઈરાકના સંયુક્ત ઓપરેશનમાં ઠાર
અમેરિકાના મિસાઈલ હુમલામાં ISIS ના ગ્લોબલ ઓપરેશન હેડ અબ્દુલ્લા મક્કી મુસ્લીહ અલ-રિફાઈના મૃત્યુના સમાચાર સામે આવી રહ્યાં છે. અલ રિહાઈને અમેરિકાએ ઈરાકી ખાનગી અને સુરક્ષા દળોની સાથે મળીને ઠાર માર્યો છે. અબ્દુલ્લા મક્કી મુસ્લીહ અલ-રિફાઈ, જેને અબુ ખાદીજાના નામથી પણ ઓળખવામાં આવે છે. અબુ ખાદીજા તથાકથિત ઈસ્લામિક સ્ટેટ માટે ગ્લોબલ ઓપરેશન હેડ તરીકે કામ કરી રહ્યો હતો. અમેરિકાના આ હુમલામાં ISISના ઘણા અન્ય આતંકવાદી પણ માર્યા ગયા છે. આ હુમલાને લઈને અમેરિકી સૈન્ય અધિકારીઓએ જણાવ્યું કે અબુ ખદીજાએ દુનિયાભરમાં આતંકવાદી જૂથની લોજિસ્ટિક્સ, યોજના અને નાણાકીય મેનેજમેન્ટની સારસંભાળ કરી.
હવાઈ હુમલા બાદ યુએસ સેન્ટ્રલ કમાન્ડ અને ઈરાકી સેનાઓ ઘટના સ્થળે પહોંચી અને અબુ ખદીજા અને બીજા ISIS ફાઈટરના મોતની પુષ્ટિ કરી. CENTCOM અનુસાર બંને વ્યક્તિએ બ્લાસ્ટ થયા વિનાના આત્મઘાતી જેકેટ પહેરેલા હતા અને તેમની પાસે ઘણા હથિયાર હતાં. અબુ ખદીજાની ઓળખની પુષ્ટિ પહેલા જ દરોડાથી એકત્ર કરવામાં આવેલા સેમ્પલનો ઉપયોગ કરીને ડીએનએના માધ્યમથી કરવામાં આવી હતી. જેમાં તે માંડ-માંડ બચી ગયો હતો.
અમેરિકી સેન્ટ્રલ કમાન્ડના કમાન્ડર જનરલ માઈકલ એરિક કુરિલ્લાએ કહ્યું કે ‘અબુ ખદીજા સમગ્ર વૈશ્વિક ISIS સંગઠનમાં સૌથી મહત્ત્વપૂર્ણ ISIS સભ્યોમાંથી એક હતો. અમે આતંકવાદીઓને મારવા અને તેમના સંગઠનોને નષ્ટ કરવાનું ચાલુ રાખીશું જે અમારા દેશ અને વિસ્તાર અને તેનાથી પર અમેરિકા, સહયોગી અને ભાગીદાર કર્મચારીઓ માટે જોખમ છે.’
ઈરાકી વડાપ્રધાન મોહમ્મદ શિયા અલ-સુદાનીએ આ ઓપરેશનની પ્રશંસા કરતાં અબુ ખદીજાને ઈરાક અને વિશ્વના સૌથી જોખમી આતંકવાદીઓમાંથી એક ગણાવ્યા. સોશિયલ મીડિયા પ્લેટફોર્મ એક્સ પર એક પોસ્ટમાં અલ-સુદાનીએ પુષ્ટિ કરી કે આ ઓપરેશન અમેરિકાના નેતૃત્વ વાળા ગઠબંધનના સમર્થનથી કરવામાં આવ્યું હતું.
