MORBI:મોરબીના નવી પીપળી ગામે તસ્કરોનો તરખાટ: ઓમ પાર્ક સોસાયટીમાં રહેણાંક મકાનને નિશાન બનાવી રૂ. ૫૫૦૦ની ચોરી
MORBI:મોરબીના નવી પીપળી ગામે તસ્કરોનો તરખાટ: ઓમ પાર્ક સોસાયટીમાં રહેણાંક મકાનને નિશાન બનાવી રૂ. ૫૫૦૦ની ચોરી
મોરબી: મોરબી તાલુકાના નવી પીપળી ગામે ચોરીની એક ઘટના સામે આવી છે, જેમાં તસ્કરોએ એક રહેણાંક મકાનના તાળા તોડી રોકડ રકમની ચોરી કરી છે. આ મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
મળતી વિગતો મુજબ, નવી પીપળી ગામે આવેલી ઓમપાર્ક સોસાયટીમાં રહેતા ૩૬ વર્ષીય સંદિપભાઈ રમેશભાઈ કાલરીયાના મકાનને તસ્કરોએ નિશાન બનાવ્યું હતું. અજાણ્યા ચોર ઈસમોએ મકાનના મેઈન દરવાજા વાટે પ્રવેશ કરી, હોલના દરવાજાનો લોક અને નકુચો તોડી અંદર પ્રવેશ કર્યો હતો.
તસ્કરોએ હોલમાં પડેલા ફ્રીજના કવરના ખાનામાં રાખેલા રોકડા ₹ ૫,૫૦૦/- તથા એક પર્સ અને ગોલ્ડન કલરની ખોટી ચેઈન મળી કુલ ₹ ૫,૫૦૦ના મુદ્દામાલની ચોરી કરી પલાયન થઈ ગયા હતા. આ ઘટના અંગે સંદિપભાઈએ અજાણ્યા ચોર વિરુદ્ધ ફરિયાદ નોંધાવતા પોલીસે ગુનો નોંધી કાયદેસરની તપાસ હાથ ધરી છે.
