હાલોલ-દુનિયા ગામના સ્મશાનમાથી તીક્ષ્ણ હથિયારનો ભોગ બનેલા યૂવકનો મૃતદેહ મળી આવતા ચકચાર,પોલીસે તપાસનો ધમધમાટ શરૂ કર્યો
રિપોર્ટર. કાદિર દાઢી. હાલોલ
તા.૨૯.૮.૨૦૨૪
હાલોલ નગરના ગોધરા રોડ પર મોગલ માં ના મંદિરની બાજુમાં ખુલ્લી જગ્યામાં આવેલ દુનિયા ગામના સ્મશાન પાસે 45 વર્ષીય યુવક નો ગળા, કપાળ, ગરદન પાછળ ના ભાગે તેમજ હાથ ઉપર તીક્ષણ હથિયાર થી મારેલ તેમજ દાઝેલી હાલતમાં મૃતદેહ મળી આવતા હાલોલ ટાઉન પોલીસ,જીલ્લા એલસીબી, અને એસઓજી પોલીસ તેમજ એફએસએલ ટીમ ઘટના સ્થળ પર દોડી આવી પ્રાથમિક તપાસ કરી અજાણ્યા ઈસમ સામે હત્યાનો ગુનો નોંધી મૃતક ના મૃતદેહને હાલોલ રેફરલ હોસ્પીટલ ખાતે પીએમ કરાવી વધુ તપાસ હાથ ધરી છે.પ્રાપ્ત વિગતો અનુસાર મૂળ કાલોલ તાલુકાના બાકરોલ ગામના રણછોડ ભગતના ફળીયામાં રહેતા માધવસિંહ નટવરસિંહ ગોહિલ એ હાલોલ ટાઉન પોલીસ મથકે આપેલ ફરિયાદ માં જણાવ્યું હતું કે બનાવ માં ભોગ બનનાર તેમનો ભાઈ દિલીપસિંહ નટવરસિંહ ગોહિલ ઉ.વ.45 ના ઓ નું તેમની જ્ઞાતિ ના રીત રીવાજ મુજબ પ્રસન્નબેન સાથે લગ્ન થયા હતા.તેમના લગ્ન જીવન માં એક પુત્ર હતો તે આથી ચાર વર્ષ પહેલા અકસ્માત માં મોત નીપજ્યું હતું.અને દિલીપભાઈ છેલ્લા વીસ વર્ષ થી અલગ રહેતો હતો કારણ કે આ દિલીપભાઈ એ તેમના કુટુંબી વહુ સાથે પ્રેમ સંબંધ હતો જેથી તે તેની સાથે રહેતો હતો અને ક્યાં રહેતો હતો તેની તેને ખબર ન હતી,પરંતુ તેની પ્રથમ પત્ની પ્રસન્ન બેન ને મળવા આવતો હતો.ગત રોજ મોબાઈલ ફોન દ્વારા જાણવા મળ્યુ હતું કે હાલોલ નગરના ગોધરા રોડ પર મોગલ માં ના મંદિર ની બાજુમાં ખુલ્લી જગ્યામાં આવેલ દુનિયા ગામના સ્મશાન પાસે મૃત હાલત માં છે.જેથી ઓળખીતા તેમજ સંબંધી સાથે તેઓ ઘટના સ્થળે દોડી આવ્યા હતા ઘટના સ્થળે જોતા તેમનો ભાઈ દિલીપસિંહ ને કોઈએ ગળા,કપાળ,ગરદન પાછળ ના ભાગે તેમજ હાથ ઉપર તીક્ષણ હથિયાર થી મારેલ તેમજ દાઝેલી હાલતમાં પડેલ જોવા મળ્યો હતો.ઘટના સ્થળે લોકટોળા અને પોલીસ આવી પોહચી હતી.બનાવ સંદર્ભે મૃતક ના ભાઇ માધવસિંહને હાલોલ ટાઉન પોલીસ મથકે ફરિયાદ નોંધાવતા પોલીસે જીલ્લા એલસીબી,એસઓજી પોલીસ તેમજ એફએસએલ ટીમ સાથે રહી દિલીપસિંહ ગોહિલ ની હત્યા કોને અને કેમ કરી હશે તે માટે હત્યા નો ભેદ ઉકેલવા તપાસ હાથ ધરી છે.
