અમૂલે દૂધના ભાવમાં પ્રતિ લિટરે 2 રૂપિયાનો કર્યો વધારો
ગુજરાતની પ્રજાને મોંઘવારીના માર વચ્ચે વધુ એક ફટકો પડ્યો છે. અમૂલે દૂધના ભાવમાં વધારો છે, ત્યારે પ્રતિ લિટરે 2 રૂપિયા અને 500 મિલીલિટરમાં 1 રૂપિયાનો વધારો ઝીંકવામાં આવ્યો છે. અમૂલ દ્વારા કરવામાં આવેલો દૂધના ભાવનો વધારો ગુરુવાર (1 મે, 2025) થી લાગુ થશે.
અમૂલે જાહેર કરેલી સૂચના મુજબ, આણંદ તથા ખેડા જિલ્લામાં 1 મે, 2025ની સવારથી દૂધના ભાવનો વધારો અમલમાં આવશે. જેમાં અમૂલ સ્ટાન્ડર્ડ દૂધ, અમૂલ બફેલો દૂધ, ગોલ્ડ દૂધ, અમૂલ ટી સ્પેશિયલ, તાઝા સહિતની અમૂલના દૂધની પ્રોડક્ટમાં લિટર દિઠ 2 રૂપિયા અને 500 મિ.લિ. દિઠ 1 રૂપિયાનો ભાવનો વધારો કરવામાં આવ્યો છે.
તમને જણાવી દઈએ કે, અગાઉ મધર ડેરીએ દૂધના ભાવમાં વધારો કર્યો હતો. હવે ગ્રાહકોએ વર્તમાન કિંમત કરતાં પ્રતિ લિટર 2 રૂપિયા વધારાના ચૂકવવા પડશે. નવા ભાવ 30મી એપ્રિલથી અમલમાં આવ્યા છે. નવી કિંમતો દિલ્હી-એનસીઆર સહિત દેશભરના તમામ રાજ્યો માટે અસરકારક રહેશે.
