રમત ગમત, યુવા અને સાંસ્કૃતિક પ્રવૃત્તિઓ વિભાગ ગાંધીનગર પ્રેરિત અને જિલ્લા યુવા વિકાસ અધિકારીની કચેરી ભરુચ દ્વારા આયોજિત આમોદ તાલુકાના કલા મહાકુંભ 2024નું આયોજન ધી આછોદ સાર્વજનિક હાઈસ્કૂલમાં કરવામાં આવ્યું હતું આ કાર્યક્રમના ઉદ્ઘાટન પ્રસંગે આમોદ તાલુકા મામલતદારશ્રી વિનોદ જરીવાલા સાહેબ, આમોદ તાલુકા પ્રાથમિક શિક્ષણ અધિકારી શ્રી શબ્બીર પટેલ સાહેબ, બીઆરસી શ્રી આશિફ પટેલ સાહેબ, સીઆરસી શ્રી ઇમરાન પટેલ સાહેબ, બ્લોક રિસોર્ટ પર્સન શ્રી જયેશભાઈ પઢિયાર સાહેબ તથા આજુબાજુની શાળાઓમાંથી નિર્ણાયકશ્રીઓ તથા શિક્ષકશ્રીઓ હાજરી આપી હતી આ કાર્યક્રમની શરૂઆતમાં ધી આછોદ સાર્વજનિક હાઈસ્કૂલના આચાર્યશ્રી ઉસ્માન સુતરીઆ સાહેબે ઉપસ્થિત તમામ મહેમાનોનું શાબ્દિક સ્વાગત કર્યું હતું અને આપણી સંસ્કૃતિના જતનમાં અને શિક્ષણમાં કલાનું મહત્વ વિશે સુંદર માર્ગદર્શન પૂરું પાડ્યું હતું.બીઆરસી શ્રી આશિફ પટેલ સાહેબે વિવિધ નામાંકિત કલાકારોને યાદ કરી ઉપસ્થિત કલા પ્રેમી જનતાને કલાનું જીવનમાં કેટલું મહત્વ છે અને કલા થકી આપણે જીવનમાં ઉચ્ચ સ્થાન સુધી પહોંચી શકીએ છીએ તે વિશે સમજ આપી તબલા વાદક ઉસ્તાદ ઝાકીર હુસેનને યાદ કરી શ્રદ્ધાંજલિ અર્પી હતી. આ કલા મહાકુંભમાં તાલુકા લેવલ પર 14 જેટલી કૃતિઓ ચાર વિભાગમાં આયોજિત કરવામાં આવી હતી જેમાં આમોદ તાલુકાની વિવિધ શાળાઓમાંથી 300 થી વધુ વિદ્યાર્થીઓએ ખૂબ જ ખંત અને ઉત્સાહ પૂર્વક પોતાની આગવી શૈલીમાં વિવિધ સ્પર્ધાઓમાં ભાગ લઈ પોતાની કલાને પ્રદર્શિત કરી ઉપસ્થિત જનતાને મંત્રમુગ્ધ કરી હતી. કલા મહાકુંભના પૂર્ણહૂર્તિ પ્રસંગે આમોદ તાલુકા બ્લોક રિસોર્સ પર્સન શ્રી જયેશભાઈ પઢીયાર સાહેબે ભાગ લેનાર તમામ વિદ્યાર્થીઓને અભિનંદન પાઠવ્યા હતા અને જેઓ વિજેતા થયા હતા તેમને જિલ્લા કક્ષાએ આમોદ તાલુકાનું નામ રોશન કરે તેવા આશીર્વાદ આપ્યા હતા. કાર્યક્રમના અંતિમ ચરણમાં ઉપસ્થિત મહેમાનોના હસ્તે તમામ વિજેતા વિદ્યાર્થીઓને પ્રમાણપત્રનું વિતરણ કરવામાં આવ્યું હતું. કાર્યક્રમમાં એનાઉન્સર અને નિર્ણાયકો તરીકે સેવા આપવા બદલ ભરૂચની મુનશી મહિલા બી.એડ કોલેજમાંથી પધારેલા મેડમશ્રીઓ તથા આજુબાજુની શાળાઓમાંથી પધારેલા નિર્ણાયકશ્રીઓનો અને સાથ સહકાર આપનાર તમામનો શાળાના આચાર્યશ્રીએ ખુબ ખુબ આભાર વ્યક્ત કર્યો હતો.આમોદ તાલુકા કલા મહાકુંભના સફર અને સુંદર આયોજન બદલ જિલ્લા યુવા વિકાસ અધિકારીશ્રી મીતાબેન ગવલી એ ધી આછોદ સાર્વજનિક હાઈસ્કૂલ આચાર્યશ્રી ઉસ્માન સુતરીઆ સાહેબને ખૂબ ખૂબ અભિનંદન પાઠવ્યા હતા.
રિપોર્ટ વિજયસિંહ જીતસિંહ ચૌહાણ અને 
