અરવલ્લી
અહેવાલ :હિતેન્દ્ર પટેલ
મોડાસા LCB એ ટીંટોઇ પોલીસ સ્ટેશન વિસ્તારના બોલુન્દ્રા નજીક એક્ટિવામાંથી ૭૩ હજારના મુદ્દામાલ સાથે વિદેશી દારૂ ઝડપ્યો
અરવલ્લી : શામળાજી પોલીસનો સપાટો બે કારમાંથી ૧.૨૨ લાખનો વિદેશી દારૂ સાથે બે કાર ચાલકોને દબોચ્યા
અરવલ્લી જીલ્લા એસપી શૈફાલી બારવાલના માર્ગદર્શન હેઠળ પોલીસતંત્ર વિદેશી દારૂની હેરાફેરી અને વેપલાને અટકાવવા સતત દોડાદોડી કરી રહી છે પોલીસે 31 ડિસેમ્બર સપ્તાહમાં મોટી માત્રામાં વિદેશી દારૂ ઝડપી લેતા તેમજ આંતરરાજ્ય સરહદો પર વાહનોનું સઘન ચેકિંગ હાથધરતા બુટલેગરોએ થોડા દિવસો વિરામ લીધા બાદ ફરીથી રાજસ્થાન અને મહિસાગર જીલ્લામાંથી વિદેશી દારૂ ઘુસાડવા મરણિયા બન્યા હોય તેમ નિતનવા કીમિયા અપનાવી રહ્યા છે ત્યારે પોલીસે ત્રણ જુદા-જુદા વાહનોમાં દારૂની ખેપ નિષ્ફળ બનાવી હતી
શામળાજી પોલીસે અંતરિયાળ વિસ્તારોમાં પેટ્રોલિંગ હાથધરી પહાડીયા ગામ નજીક વિદેશી દારૂ ભરી પસાર થતી ઇનોવા ગાડી અટકાવી ગાડીમાં ભરેલ વિદેશી દારૂની બોટલ-ટીન નંગ-216 કિં.રૂ.1.03 લાખ સહિત 11.03 લાખથી વધુનો મુદ્દામાલ સાથે અંકિત ચંદ્રકાંત પટેલ (રહે,ચંદ્રલોક સોસાયટી,રાણીપ)ને દબોચી લીધો હતો તેમજ રતનપુર ચેકપોસ્ટ નજીકથી 18 હજારથી વધુના વિદેશી દારૂની હોન્ડા સિટી કારમાં ખેપ મારતા રૂપા ફતા કલાસવા( રહે,કાકરાડુંગરા-ઉદેપુર)ને ઝડપી પાડી 2.20 લખાનો મુદ્દામાલ જપ્ત કરી બંને બુટલેગરો સામે પ્રોહિબિશન એક્ટ હેઠળ ગુન્હો નોંધી કાયદેસરની કાર્યવાહી હાથધરી હતી.
ટીંટોઇ પોલીસ સ્ટેશન વિસ્તારમાં આવેલ બોલુન્દ્રા નજીકથી અરવલ્લી જીલ્લા એલસીબી પોલીસે સ્થાનિક પોલીસને ઉંઘતી રાખી એક્ટિવા સહિત વિદેશી દારૂની પેટીઓ ઝડપી પાડી હતી અરવલ્લી જીલ્લા એલસીબી પીઆઇ એચ.પી.ગરાસિયા અને તેમની ટીમ ટીંટોઈ પોલીસ સ્ટેશન વિસ્તારમાં પેટ્રોલીંગ હાથધરતા છારા નગર નજીક એક્ટિવા પર દારૂની હેરાફેરી કરનાર બુટલેગરો પોલીસ જોઈ વાંઘા નજીક એક્ટિવા મૂકી હવામાં ઓગળી જતા પોલીસે એક્ટિવા માંથી 46 લાખના વિદેશી દારૂ સહિત 76 હજારથી વધુનો મુદ્દામાલ જપ્ત કરી ફરાર બંને બુટલેગરોને ઝડપી પાડવા ચક્રો ગતિમાન કર્યા હતા.
