થરા કોલેજમાં CAWACH વિષય પર નારા સાથે જાગૃતિ રેલી યોજાઈ..
થરા કોલેજમાં CAWACH વિષય પર નારા સાથે જાગૃતિ રેલી યોજાઈ..
થરા કોલેજમાં CAWACH વિષય પર નારા સાથે જાગૃતિ રેલી યોજાઈ..
આર્ટ્સ એન્ડ કોમર્સ કોલેજ થરામા IQAC વિભાગ તથા KCG અમદાવાદના સંયુક્ત ઉપક્રમે બુધવારના રોજ CAWACH વિષય પર નારા સાથે જાગૃતિ રેલીનું આયોજન કરવામાં આવ્યું.રેલીનો મુખ્ય હેતુ વિદ્યાર્થીઓ અને સ્થાનિક નાગરિકોમાં સાયબર સુરક્ષા અંગે જાગૃતિ ફેલાવવી તથા ડિજિટલ યુગમાં સુરક્ષિત અને જવાબદાર ઑનલાઇન વર્તણૂક માટે પ્રેરણા આપવાનો હતો.IQAC વિભાગના સંયોજકે જણાવ્યું કે આજના સમયમાં મોબાઈલ, ઈન્ટરનેટ અને સોશિયલ મીડિયાનો વ્યાપ વધ્યો છે, તેની સાથે સાયબર ફ્રોડ,ફિશિંગ,ડેટા ચોરી,ઑનલાઇન છેતરપિંડી જેવીસમસ્યાઓ પણ વધતી જાય છે.આવી પરિસ્થિતિમાં સાયબર સુરક્ષા અંગે જાગૃતિ અત્યંત આવશ્યક બની છે. રેલી માં વિધાર્થીઓ એ પ્લેકાર્ડ અને બેનરો લઈને “મજબૂત પાસવર્ડ અપનાવો”, “ફિશિંગથી સાવચેત રહો”, “તમારી માહિતી સુરક્ષિત રાખો”, “સાયબર સુરક્ષા – દરેકની જવાબદારી”, “ડિજિટલ દુનિયામાં સચેત નાગરિક બનો” જેવા અસરકારક નારા લગાવ્યા હતા.પ્રિ.ડૉ.ડી એસ.ચારણે વિદ્યાર્થીઓના ઉત્સાહ અને સહભાગિતાની પ્રશંસા કરી અને ભવિષ્યમાં પણ આવી જાગૃતિ પ્રવૃત્તિઓ ચાલુ રાખવાની અપેક્ષા વ્યક્ત કરી.કાર્યક્રમનું સંચાલન ડો.નીતેશ પટેલ,મહેશ પરમાર દ્વારા કરવામાં આવ્યું હતું.
નટવર કે.પ્રજાપતિ,થરા
મો. 99795 21530
