ડી.એન. હાઈસ્કૂલ, આણંદ ખાતે ચૂંટણીમાં ફરજ બજાવનાર ૫૦૧ જેટલા મહિલા પોલીગ ઓફિસરોએ પોસ્ટલ બેલેટથી મતદાન કર્યું

તાહિર મેમણ – 30/04/2024- આણંદ – લોકસભા સામાન્ય ચૂંટણીમાં મહત્તમ મતદાન થાય તે માટે જિલ્લા ચૂંટણી અધિકારી શ્રી પ્રવીણ ચૌધરી દ્વારા વિવિધ મતદાન જાગૃતિના કાર્યક્રમો કરવામાં આવી રહ્યા છે.

ભારતના ચૂંટણી પંચની માર્ગદર્શિકા મુજબ ચૂંટણી કાર્યમાં રોકાયેલ અધિકારી કર્મચારીઓ પણ પોતાના મતાધિકારથી વંચિત ન રહી જાય તે માટે તેઓને પોસ્ટલ બેલેટથી મતદાન કરાવવામાં આવે છે.

આજે લોકસભા સામાન્ય ચૂંટણી – ૨૦૨૪ અંતર્ગત મતદાન મથકો ખાતે ફરજ બજાવનાર ૫૦૧ જેટલા મહિલા પોલીગ ઓફિસરોએ પોસ્ટલ બેલેટથી મતદાન કર્યું હતું.

આ ઉપરાંત મહિલા પોલીગ ઓફિસરોને મતદાન મથકો ખાતે બજાવવાની થતી ફરજ અંગે બીજા તબક્કાની તાલીમ માસ્ટર ટ્રેનર દ્વારા આપવામાં આવી હતી.