ડેડીયાપાડા પાસે આવેલ થવા બ્રાન્ચ પ્રાથમિક શાળામાં ૩૬ બાળકોને શિક્ષણ કીટ અપાય.
તાહિર મેમણ- ડેડીયાપાડા- 27/06/2025 – પાર્થ જયસ્વાલ ના હસ્તે નેત્રંગ તાલુકા ની પી.એમ.શ્રી થવા બ્રાન્ચ પ્રાથમિક શાળા ખાતે કન્યા કેળવણી અને શાળા પ્રવશોત્સવ કાર્યક્રમ યોજાયો હતો. જેમાં બાલવાટિકા માં ૩૬ બાળકોને ખાસ જમીન સંપાદન અધિકારી, નાયબ કલેકટર પાર્થ જયસ્વાલે બાળકોને સ્કૂલ બેગ, પુસ્તકો, નોટબુક સહિત ની જરૂર
શૈક્ષણિક કીટ આપી શાળા પ્રવેશ કરાવ્યો હતો.
પી.એમ.શ્રી થવા બ્રાન્ચ પ્રાથમિક શાળા ના બાળકો દ્વારા શરૂઆતમાં સુંદર સંગીત ના વાદ્ય સાથે પ્રાર્થના કરવામાં આવી હતી જેના દ્વારા સુંદર વાતાવરણ ઊભું થયું હતું જેના દ્વારા શાળા પ્રવેશોત્સવ કરાવવા આવેલ અધિકારી ભરૂચના ખાસ જમીન સંપાદન અધિકારી, નાયબ કલેકટર પાર્થ જયસ્વાલ પણ પ્રભાવિત થયા હતા અને શાળાના તેમજ શિક્ષકોના વખાણ કર્યા હતા.
ખાસ જમીન સંપાદન અધિકારી, નાયબ કલેકટર શ્રી પાર્થ જયસ્વાલ દ્વારા બાળકો ને સુંદર શિક્ષણ બાબતે માર્ગદર્શન આપ્યું હતું. અને શાળામાં અનેક ક્ષેત્રે સિદ્ધિઓ મેળવનાર વિદ્યાર્થીઓનું વિશેષ સન્માન કરવામાં આવ્યું હતુ. તેમજ શાળા પ્રવેશોત્સવ બાદ વાલીઓ તેમજ SMC સભ્યો સાથે વિશેષ ચર્ચાઓ કરી હતી. તેમજ શાળાના કમ્પાઉન્ડમાં વૃક્ષારોપણ કરવામાં આવ્યું હતું. તેમજ શાળામાં આવેલ પ્રયોગશાળા, સ્માર્ટ ક્લાસ રૂમ, કમ્પ્યુટર લેબ, લાઇબ્રેરી સહિત શાળામાં આવેલ બાગ – બગીચાની મુલાકાત લીધી હતી.
આ પ્રસંગે ખાસ જમીન સંપાદન અધિકારી અને નાયબ કલેકટર પાર્થ જયસ્વાલ, CRC નેત્રંગ લાયઝન અધિકારીશ્રી વિજયભાઈ એમ.વસાવા, થવા ગ્રામ પંચાયત સરપંચ સુશીલાબેન વસાવા, તલાટીકમ મંત્રી, SMC સભ્યો, શાળાના આચાર્ય, શાળાના શિક્ષકો, તેમજ વિદ્યાર્થીઓના વાલીઓ ઉપસ્થિત રહ્યા હતા.
