IITRAM અમદાવાદમાં AYUSHGLOBE 2025: આયુષ ઉદ્યોગના વૈશ્વિક વિકાસ પર મંથન
રિપોર્ટર
હિતેન્દ્ર ગોસાઈ
અમદાવાદ
અમદાવાદ: IITRAM અમદાવાદ દ્વારા “AYUSHGLOBE 2025” નામની એક આંતરરાષ્ટ્રીય પરિષદનું આયોજન કરવામાં આવ્યું છે. આ પરિષદનો મુખ્ય હેતુ પરંપરાગત ભારતીય ચિકિત્સા પદ્ધતિઓ – આયુર્વેદ, યોગ, નેચરોપથી, યુનાની, સિદ્ધ અને હોમિયોપથી (AYUSH) – ને વૈશ્વિક સ્તરે પ્રોત્સાહન આપવાનો અને ભારતમાંથી તેમની નિકાસ વધારવાનો છે.
આ પરિષદમાં ઉદ્યોગ જગતના નિષ્ણાતો, સરકારી નીતિ ઘડવૈયાઓ અને શૈક્ષણિક ક્ષેત્રના વિદ્વાનો ભાગ લેશે. તેઓ AYUSH ઉદ્યોગના વિકાસ માટે જરૂરી નીતિઓ, વૈશ્વિક બજારમાં તેની સંભાવનાઓ અને આધુનિક આરોગ્ય પ્રણાલીઓ સાથે તેના સંકલન અંગે ચર્ચા કરશે.
IITRAMના આ પ્રયત્ન દ્વારા “વિઝન વિકસિત ભારત@2047” ના ઉદ્દેશ્યોને આગળ ધપાવવા અને AYUSH ઉદ્યોગને વૈશ્વિક સ્તરે વિસ્તૃત કરવા માટે સરકાર, ઉદ્યોગ અને શૈક્ષણિક ક્ષેત્ર વચ્ચે સહયોગ વધારવાનો પ્રયાસ કરાશે.
