અરવલ્લી
અહેવાલ :હિતેન્દ્ર પટેલ
બાયડ : ગોતાપુર – જુના ભાઈપુરા – ગાબટ હાઈસ્કૂલ બસ સેવા શરૂ, વિધાર્થીઓમાં ખુશી નો માહોલ
30 વર્ષની રાહ પૂરી થઈ… હવે વિદ્યાથીઓ માટે સહેલાઈનો માર્ગ શરૂ
બાયડ તાલુકાના ગોતાપુર ગામે હરસિધ્ધિ માતાજીના પાવન દર્શન કર્યા પછી ગોતાપુર થી જુના ભાઈપુરાના વિદ્યાર્થીઓ માટે ગાબટ હાઈસ્કૂલ સુધી બસ સેવા શરૂ કરવામાં આવી — જેમાં ભલામણ બાયડ-માલપુરના લોકલાડીલા ધારાસભ્ય માન. ધવલસિંહ ઝાલા દ્વારા કરવામાં આવી હતી.ગામની 30 વર્ષથી ચાલતી માંગ પૂર્ણ થતા ગામજનોમાં ખુશીનો માહોલ છવાઈ ગયો હતો.
આ સુખદ પ્રસંગે ગાબટના સરપંચ મયુરસિંહ ઝાલા, ગોતાપુરના સરપંચ અર્જુનસિંહ, ગ્રામ પંચાયતના સભ્યો અને મોટી સંખ્યામાં ઉપસ્થિત ગ્રામજનોના સમક્ષ લીલી ઝંડી આપી વિદ્યાર્થીઓને રવાના કરવામાં આવ્યા.વિદ્યાર્થીઓના ચહેરા પર ખુશીની ઝલક અને ભવિષ્ય માટેનો વિશ્વાસ સ્પષ્ટપણે દેખાયો.આવાં ઉપક્રમો ગામના વિકાસ અને નૌજવાન પેઢીની પ્રગતિ માટે મજબૂત પગથિયું છે.
