ડીસા ઠાકોર સમાજના વિદ્યાર્થીઓનો યોજાશે સન્માન સમારોહ
સમાજના વિદ્યાર્થીઓ શિક્ષણ ક્ષેત્રે ઉત્તરોત્તર પ્રગતિ કરી સમાજને વધુ વિકસિત બનાવે : Ex આર્મી મેન રસિકજી ઠાકોર
બનાસકાંઠા જિલ્લાના ડીસા ઠાકોર સમાજ દ્વિતીય વિદ્યાર્થીઓ સન્માન સમારોહ આયોજન ઠાકોર સમાજ એજ્યુકેશન ટ્રસ્ટ સંચાલિત ઠાકોર સમાજ કર્મચારી મંડળ ડીસા દ્વારા આયોજન કરવામાં આવ્યું છે. દ્વિતીય ઠાકોર સમાજ વિદ્યાર્થીઓનો સમાન સમારોહ ડીસા તાલુકાના કાંટ ગામ ખાતે 13-10-2024ને રવિવારે યોજાશે. વિદ્યાર્થી સન્માન સમારોહમાં બનાસકાંઠા જિલ્લા સાંસદ ગેનીબેન ઠાકોર, દિયોદર ધારાસભ્ય કેશાજી ચૌહાણ, કાંકરેજ ધારાસભ્ય અમરતજી ઠાકોર,સંત શ્રી દાસ બાપુ (ટોટાણા ધામ) સંત શ્રી નાગપુરી મહારાજ (પાદર ભેટોણા) સંત શ્રી રામગીરી બાપુ (શનિ ધામ રસાણા) સંતો મહંતો સામાજિક રાજકીય આગેવાન ઉપસ્થિત રહી વિદ્યાર્થીઓને આશીર્વચન પાઠવશે. સમારોહમાં ભાગ લેનારા અને સિદ્ધિઓ હાંસલ કરનારા વિદ્યાર્થી ભાઈ બહેનોને સમાજનાં શ્રેષ્ઠીઓ અને દાતાઓ તરફથી શિલ્ડ,સન્માનપત્ર અને શૈક્ષણિક કીટ આપી સન્માનિત કરાશે,જેમાં ઠાકોર સમાજ કર્મચારી મંડળ ડીસા દ્વારા ધોરણ 10 થી કોલેજ કક્ષા સુધીના વિદ્યાર્થીઓને પ્રથમ,દ્વિતીય અને તૃતીય અને ઉચ્ચ અભ્યાસ કરતા વિદ્યાર્થીઓ તેમજ સમાજના નવનિયુક્ત કર્મચારીઓ, પ્રોફેસરો, ડોકટરો, રાજ્યકક્ષા, નેશનલ કક્ષાએ વિજેતા થયેલ રમતવીર ખેલાડીઓને પણ સન્માનિત કરવામાં આવશે તેમજ સમાજને વિવિધ ક્ષેત્રમાં ગૌરવ અપાવનારને સન્માનિત અને પ્રોત્સાહિત કરાશે. સમગ્ર આયોજન ઠાકોર સમાજ એજ્યુકેશન ટ્રસ્ટ સંચાલિત ઠાકોર સમાજ કર્મચારી મંડળ દ્વારા કરવામાં આવશે આ કાર્યક્રમમાં ઉપસ્થિત રહેવા સમસ્ત ઠાકોર સમાજ તથા શિક્ષણ પ્રેમીઓને ઠાકોર સમાજ કર્મચારી મંડળ ડીસા તથા સમસ્ત ઠાકોર સમાજ ડીસા વતી એક્સ આર્મી મેન રસિકજી ઠાકોર દ્વારા આમંત્રણ આપવામાં આવ્યું છે.
ભરત ઠાકોર ભીલડી
