ભીલડી પંથકમાં વહેલી સવારે વીજળીના કડાકાભડાકા સાથે ધોધમાર વરસાદ
વાહરા ગામે આકાશી વીજળી પડતાં ભેંસનુ મોત | પશુપાલક ને રૂપિયા એક લાખ નું નુકસાન
ભીલડી પંથક માં છેલ્લા કેટલાક દિવસોથી વરસાદી માહોલ જામ્યો છે છેલ્લા બે દિવસથી ધીમીધારે વરસી રહેલા વરસાદે ગુરુવાર ની વહેલી સવારે અચાનક વીજળીના કડાકા-ભડાકા સાથે ધોધમાર વરસાદ તુટી પડતા અનેક સ્થળો પર પાણી ભરાઇ જવા પામ્યું હતું જેમાં ગ્રામીણ વિસ્તારોના ખેતરોના રસ્તાઓ પણ પાણીથી છલોછલ ભરાઇ જતા લોકોને ભારે મુશ્કેલીનો સામનો કરવો પડ્યો હતો વહેલી સવારે શરૂ થયેલા વરસાદમાં ડીસા તાલુકાના વાહરા ગામે ભારે વરસાદ વચ્ચે વિજળી પડતાં એક ભેંસનું મોત થયું હતું. અમરતજી ફતાજી બોકરવાડી ખેતરમાં ખીલે બાંધેલી ભેંસ પર વીજળી પડતાં મોતને ભેટી હતી. વિજળી પડવાની ધટના ને લઇ તાલુકા પંચાયતના પુર્વ પ્રમુખ રામુજી બોકરવાડીયા સહિત ગ્રામજનો ઘટનાસ્થળે પહોંચી વહીવટીતંત્રને કરાઈ જાણ કરાતા તલાટી સત્યજીત ,આરોગ્યની ટીમ વહીવટીતંત્ર અને પૂર્વ સરપંચ બચુજી ઠાકોર સહિત ઘટનાસ્થળે પહોંચી આગળ ની કાર્યવાહી હાથ ધરી હતી આ અંગે પશુપાલકે જણાવ્યું હતું કે થોડા દિવસ પહેલા જ આ ભેસ ની કિંમત રૂપિયા એક લાખની કરવામાં આવી હતી ત્યારે વહેલી સવારે અચાનક વીજળી પડતા ભેંસનું ઘટના સ્થળે મૃત્યુ થવા પામ્યું છે
ભરત ઠાકોર ભીલડી
