પી.એમ.શ્રી પ્રાથમિક કન્યા શાળા નેત્રંગ ખાતે શાળા કક્ષાનું ગણિત-વિજ્ઞાન પ્રદર્શન યોજાયું
નેત્રંગ ટાઉનના ગાંધી બજાર વિસ્તારમાં આવેલ પી.એમ.શ્રી પ્રાથમિક કન્યા શાળા ખાતે શાળા કક્ષાના ગણિત – વિજ્ઞાન પ્રદર્શનનું આયોજન કરવામાં આવ્યું હતું.
પી.એમ.શ્રી પ્રાથમિક કન્યા શાળાના આચાર્ય પિયુષભાઈ પટેલના માર્ગદર્શન હેઠળ કન્યા શાળાના ધોરણ ૬ થી ૮ના ગણિત અને વિજ્ઞાન વિષયના શિક્ષક અને માર્ગદર્શક દિપ્તીબેન ભવાનભાઈ વસાવા દ્વારા ધોરણ – ૧ થી ૮ ની વિધાર્થિનીઓ સાથે વિવિધ ૭૦ જેટલી ગણિત અને વિજ્ઞાન વિષય કૃતિઓ રજૂ કરવામાં આવી હતી.
આ ગણિત – વિજ્ઞાન પ્રદર્શનને યુવા આગેવાન બ્રિજેશભાઈ પટેલ અને એસ.એમ.સી અધ્યક્ષ ના હસ્તે રીબીન કાપી ખુલ્લો મુકવામાં આવ્યો હતો. જેમાં પ્રાથમિક કુમાર શાળા શિક્ષકમિત્રો અને વિધાર્થીઓએ પણ આ ગણિત – વિજ્ઞાન પ્રદર્શન નિહાળ્યું હતું અને શાળાનો અને વિદ્યાર્થીઓનો ઉત્સાહ વધારી ગણિત – વિજ્ઞાન પ્રદર્શનને સફળ બનાવ્યું હતું.
