MORBI:મોરબીની ખ્યાતનામ સેકન્ડ હોમ પ્રિ.સ્કૂલ દ્વારા ગુરુપૂર્ણિમાની ઉજવણી કરવામાં આવી
MORBI:મોરબીની ખ્યાતનામ સેકન્ડ હોમ પ્રિ.સ્કૂલ દ્વારા ગુરુપૂર્ણિમાની ઉજવણી કરવામાં આવી
गुरुर्ब्रह्मा गुरुर्विष्णुः गुरुर्देवो महेश्वरः। गुरुः साक्षात् परं ब्रह्म तस्मै श्री गुरवे नमः॥ गुरु गोबिंद दोऊ खड़े, काके लागूं पांय। बलिहारी गुरु आपने।
પ્રાચીન કાળથી, ભારતીય સંસ્કૃતિમાં ગુરુ-શિષ્ય પરંપરાનું વિધાન રહ્યું છે. ગુરુનું સ્થાન ભગવાન કરતાં પણ ઊંચું માનવામાં આવે છે અને ગુરુ અને શિષ્ય વચ્ચેના આ સંબંધનું મહત્વ સમજાવવા માટે, ગુરુ પૂર્ણિમાનો તહેવાર દર વર્ષે અષાઢ મહિનાની પૂર્ણિમાના દિવસે ઉજવવામાં આવે છે. આ વર્ષે ગુરુ પૂર્ણિમા 10 જુલાઈના રોજ આવી રહી છે. ગુરુ પૂર્ણિમા એ ગુરુનું મહત્વ અને તેમના પ્રત્યેની લાગણી, પ્રેમ અને આદર દર્શાવવાનો શ્રેષ્ઠ દિવસ છે. તેમાં પણ બાળકો માટે શિક્ષક પહેલા તેના માતા – પિતા પ્રથમ ગુરુ હોય છે. જેથી આજના ડિજિટલ યુગના બાળકો માટે માતા-પિતાનું પૂજન તેમજ તેમનું સન્માન જાળવવા માટે જ્ઞાન આપવું ખૂબ અચૂક જરૂરી જણાતાં મોરબીની ખ્યાતનામ સેકન્ડ હોમ પ્રિ સ્કૂલ, એસપી રોડ, દ્વારા ગુરુપૂર્ણિમા ઉજવણીનો ભવ્ય આયોજન કરવામાં આવેલ જેમાં બાળકો દ્વારા પોતાના માતા પિતાનું પૂજન કરી આશીર્વાદો મેળવેલ અને બાળકોને શિક્ષક પહેલા ના પ્રથમ ગુરુ તરીકે માતા પિતાનું મહત્વ સમજાવે. નાના નાના બાળકોએ હોશે હોશે માતા પિતાનું પૂજન બાદ શાળાના તમામ શિક્ષક ગણના આશીર્વાદ મેળવી ગુરુપૂર્ણિમાની ભવ્ય ઉજવણી કરી હતી.
