સમીર પટેલ, ભરૂચ
આમોદમાં 35 વર્ષના હવસખોરે 71 વર્ષની વૃદ્ધાને ફરી બનાવી હવસનો શિકાર
ખેતરમાં ઝૂંપડીમાં રહેતી વૃદ્ધા સાથે બદકામ
જૂન 2023 માં જ વૃદ્ધાએ ફરિયાદ નોંધાવતા પોલીસે શૈલેષ રાઠોડની કરી હતી ધરપકડ
જામીન પર છૂટ્યા બાદ ફરી નરાધમે કર્યું કૃત્ય
વૃદ્ધા અને હવસખોર યુવાન બન્ને જીવે છે એકલવાયું જીવન
ભરૂચ નિર્ભયાકાંડમાં હજી 10 વર્ષની માસૂમ બાળકીના શ્વાસ થંભી ગયાને ગણતરીના કલાકો થયા હતા ત્યાં આમોદથી 71 વર્ષની વૃદ્ધા પર 35 વર્ષના નરાધમે ફરીથી દુષ્કર્મ ગુજાર્યું હોવાની ઘટના સામે આવી છે.
આમોદના એક ગામમાં ખેતરમાં ઝૂંપડામાં રહેતી 71 વર્ષની વૃદ્ધાને 35 વર્ષના શૈલેષ રાઠોડ નામના દુષ્કર્મીએ ફરી પોતાની વાસનાનો શિકાર બનાવી છે. આમોદ પોલીસ મથકે વૃદ્ધાએ દુષ્કર્મની ફરિયાદ નોંધાવતા ભરૂચ જિલ્લા પોલીસ વડા, LCB, SOG અને આમોદ પોલીસ ઘટના સ્થળે દોડી આવી હતી. અલગ અલગ ટિમો બનાવી દુષ્કર્મીને ઝડપી પાડવા તપાસ હાથ ધરાઈ છે.
વર્ષ 2023 માં પણ આ નરાધમે એકલવાયું જીવન જીવતી વૃદ્ધાને ડરાવી ધમકાવી, મારઝૂડ કરી પોતાની હવસનો શિકાર બનાવી હતી. જે અંગર આમોદ પોલીસ મથકે જ તે સમયે ફરિયાદ દાખલ કરતા પોલીસે જૂન 2023 માં આરોપીની ધરપકડ કરી હતી. દરમિયાન આરોપી શૈલેષ રાઠોડ જમીન પર છૂટ્યા બાદ ફરીથી વૃદ્ધા પર દુષ્કર્મ ગુજારતા ચકચાર મચી ગઇ છે.
ઝઘડિયા 10 વર્ષની બાળા પર રેપ વિથ મર્ડરની ઘટના બાદ આમોદની 71 વર્ષની વૃદ્ધા પર દોઢ વર્ષે ફરી દુષ્કર્મને લઈ ભરૂચ જિલ્લામાં હડકપ મચી ગઇ છે. ભરૂચ જિલ્લામાં વધુ એક શરમજનક ઘટના બનતા બાળાઓ જ નહીં પણ વૃદ્ધાઓ પણ અસુરક્ષિત હોવાની ભીતિ લોકોમાં સેવાઇ રહી છે.
