અરવલ્લી
અહેવાલ :હિતેન્દ્ર પટેલ
ડૂઘરવાડા ગામે જયશ્રીબેન ના અંતિમ સંસ્કાર કરવામાં આવ્યા : આખુ ગામ નિ:શબ્દ, કલેકટર, ASP સહીત વહીવટી તંત્ર હાજર રહ્યું
જયશ્રી પટેલના લંડન જવાના સપનાની યાત્રા અધૂરી રહી,આ યાત્રા વિદાય તમને રડાવી દેશે જયશ્રી પટેલના અંતિમ યાત્રામાં ખંભીસર ગામ હિબકે ચડ્યું.
લગ્નના માત્ર ચાર મહિના બાદ લંડન રહેતા પતિ સાથે જિંદગીના જોયેલા સપના સાકાર કરવા નીકળેલી મોડાસાના ડુગરવાડાની જયશ્રી આકાશ કુમાર પટેલનો નશ્વર દેહ કોફીનમાં ડુગરવાડા ગામે લવાતા પતિ આકાશ સહિત સ્વજનોના આક્રંદે કઠણ કાળજા કંપાવી દીધા હતા.મોડાસાના ખંભીસર ગામના પ્લેન ક્રેશમાં નિધન થયેલ જયશ્રી પટેલના 4 મહિના પહેલા ડુગરવાડા ગામના અને લંડન રહેતા આકાશ પટેલ સાથે લગ્નગ્રંથિથી જોડાયા હતા.ત્યારે લંડનમાં પતિ સાથે જોયેલા સપના સાકાર કરવા લંડન નિકળેલી જયશ્રીબેન લંડન જવા 12 જૂને અમદાવાદ એરપોર્ટ ખાતે પહોંચી હતી જયશ્રીને એરપોર્ટ છોડવા ગયેલા પરિજનોને બાય બાય કહી લંડન જતા પ્લેનમાં સવાર થયા હતા.પ્લેન એ લંડન જવા ઉડાન ભરતાની સાથે જ ગણત્રીની મિનિટોમાં અમદાવાદના મેઘાણીનગર વિસ્તારોમાં પ્લેન ક્રેશની ગોઝારી દુર્ઘટના સર્જાતા લંડન જવાના સપનાની યાત્રા અધૂરી રહી ગઈ હતી. દુર્ઘટનામાં પ્લેનમાં સવાર યાત્રીઓ સહિત 270 જેટલા લોકોના મોત નિપજ્યા હતા.આ કમનસીબ દુર્ઘટનામાં મોડાસા તાલુકાના ખંભીસર ગામની દીકરી અને ડુગરવાડા ગામની વહુ જયશ્રીબેન પટેલનું કરૂણ મોત નિપજ્યું હતું ત્યારે નિધનના 9 માં દિવસે જયશ્રીબેનનો DNA મેચ થતા તંત્ર દ્વારા જયશ્રી બેનનો નશ્વરદેહ ખંભીસર ગામે પિયરમાં લવાયા બાદ સાસરી ડુગરવાડા ગામે સુરક્ષા સાથે લવાતા સ્વજનો, જિલ્લા કલેક્ટર ,જિલ્લા ASP ,પ્રાંત અધિકારી,અધિક નિવાસી કલેકટર સહિત ગ્રામજનોએ પુષ્પાંજલિ સાથે અશ્રુભીની આંખે શ્રદ્ધાંજલિ અર્પણ કરતા આક્રંદથી ગામમાં ગમગીની છવાઇ હતી.અમદાવાદની બનેલ પ્લેન ક્રેશની ગોઝારી ઘટનામાં જયશ્રી પટેલ કાળનો કોળીયો બનીજતા પાર્થિવ દેહ ડુગરવાડા સાસરીમાં લવાતા ગમગીની, શોક, રૂદન અને આક્રંદનો માહોલ છવાઇ ગયો હતો.ત્યારે જયશ્રી પટેલના ડુઘરવાડા ગામે સ્મશાન ખાતે અંતિમ વિધિ કરતા પાર્થિવ દેહ પંચ મહાભૂતમાં વિલીન થયો હતો અને પરિવારમાં શોક વ્યાપ્યો હતો..ત્યારે સ્વજનોના અફાટ રૂદન અને આક્રંદ થી સમગ્ર માહોલ ગમગીન બની ગયો હતો
