108 એમ્બ્યુલન્સ ના સ્ટાફ દ્વારા આગ લાગેલ રિક્ષાની આગ પર કાબુ મેળવી સરાહનીય કામગીરી કરી

SAMIR PATEL2 hours agoLast Updated: November 6, 2025

22 1 minute read

સમીર પટેલ, ભરૂચ

આજરોજ અમોદ તાલુકામાં ફાળવેલ 108 એમ્બ્યુલન્સ જે જંબુસર રોડ પાણીની ટાંકી પાસે હોટસ્પોટ લોકેશન પર રહે છે જ્યાં એમ્બ્યુલન્સ ઉભી હતી તેની સામે જ રોડ પર આશરે 12:30 વાગ્યાના સુમારે ઓટો રિક્ષા પસાર થઈ રહી હતી તે દરમિયાન રિક્ષામાં અચાનક આગ લાગી હતી ત્યાં 108 પર ફરજ પર હાજર પાયલોટ હિમ્મત ભાઇ હઠીલા એ 108 એમ્બ્યુલન્સ માં આવતા fire extinguisher લઇ આગ લાગેલ રિક્ષા પાસે જઈ રિક્ષાની આગ પર કાબુ મેળવી રિક્ષામાં સવાર 4 પેસેન્જર અને ડ્રાઈવરને બચાવી રિક્ષાને નુકશાનથી બચાવી હતી.

આમોદ 108 ના પાયલોટ હિમ્મત ભાઇ હઠીલા તેમજ ઈએમટી પારુલ બેન રાઠવા એ 108 માં દર્દી ને સારવાર સિવાય આજે ઓટો રિક્ષાની આગ બુઝાવી એક અલગ કામગીરી નું ઉદાહરણ આપ્યું હતું.

રિક્ષા ડ્રાઈવર એ 108 આમોદ ના સ્ટાફ ની આ કામગીરી ને બિરદાવી આભાર વ્યક્ત કર્યો હતો.