બોરસદ ફિલ્ડ ઓફિસરે રિકવરી કરેલ રૂપિયા કંપની માં જમા ના કરાવી ઉચાપત કરી.
બોરસદ ફિલ્ડ ઓફિસરે રિકવરી કરેલ રૂપિયા કંપની માં જમા ના કરાવી ઉચાપત કરી.
તાહિર મેમણ – આણંદ -30/08/2024- બોરસદ ફિલ્ડ ઓફિસર અક્ષય સોમાભાઈ ભોઈ રિકવરી કરેલ રૂપિયા કંપની માં જમા ના કરાવી ઉચાપત કરી. બોરસદની ફાઈનાન્સ કંપનીના ફીલ્ડ ઓફિસરે મહિલા લોનધારકો પાસેથી રીકવર કરેલા રૂપિયા ઓફિસમાં જમા ન કરાવી 1.41 લાખની કાયમી ઉચાપત કરી બોરસદની એક ફાયનાન્સ કંપનીના ફીલ્ડ ઓફીસરે પોતાની ફરજ દરમિયાન મહિલા લોનધારકો પાસેથી રીકવર કરેલા રૂપિયા બ્રાન્ચ ઓફીસમા જમા નહી કરાવી કુલ રૂપિયા 1,41,763 ની કાયમી ઉચાપત કરતાં મામલો પોલીસ મથકે પહોંચ્યો છે. આ અંગે બોરસદ શહેર પોલીસે ગુનો નોંધી, કાર્યવાહી હાથ ધરી છે.
બોરસદ શહેરથી તારાપુર જવાના માર્ગ પર કલ્પ કોમ્પ્લેક્ષમાં મુથુટ માયક્રોફીન લિમીટેડ નામની ફાયનાન્સ કંપની આવેલી છે. આ ફાઈનાન્સ કંપનીમાં ફીલ્ડ ઓફીસર તરીકે ફરજ બજાવતાં અક્ષયભાઇ સોમાભાઇ ભોઇ (રહે. સાંઇપાર્ક ઈસરામા, તા.પેટલાદ) એ ગત તારીખ 1-1-23 થી તારીખ 31-10-23 ના સમયગાળા દરમિયાન મહિલા લોન ધારકો પાસેથી કુલે 1,41,763 રૂપિયા રીકવર કર્યાં હતાં. પરંતુ, અક્ષયે આ રૂપિયા બ્રાન્ચ ઓફીસમા જમાં નહી કરાવી, પોતાના અંગત ઉપયોગ માટે વાપરી નાંખી કાયમી ઉચાપત કરી હતી. આ બનાવ અંગે તૈયબખાન તુરાફખાન રમજાનખાન શેખ (રહે. શ્યામલ સોસાયટી, ગોધરા જિ.પંચમહાલ) બોરસદ શહેર પોલીસ મથકમાં ફરીયાદ નોંધાવી છે. જેના આધારે પોલીસે અક્ષય સોમાભાઈ ભોઈ વિરુદ્ધ ઇ.પી.કો.કલમ 409 મુજબનો ગુનો નોંધી કાયદેસરની કાર્યવાહી હાથ ધરી છે.
