વાત્સલ્યમ સમાચાર
મદન વૈષ્ણવ
ડાંગ જિલ્લામાં આહવાના પટેલ પાડા ખાતે ગુજરાત રાજ્ય યોગ બોર્ડના ચેરમેન શ્રી યોગ સેવક શિશપાલજીના માર્ગદર્શન હેઠળ મેદસ્વિતા મુક્ત ગુજરાત અભિયાન ૨.૦ અંતર્ગત કેમ્પ ચાલી રહ્યો છે. જેમાં કુલ ૪૦ મેદસ્વી અને હાઈ બી.પી, સુગર, ઘુટણના ઘસારા જેવા લાભાર્થીઓ યોગની તાલીમ લઇ સ્વસ્થ થઈ રહ્યા છે.
આ કેમ્પમાં આયુર્વેદિક હોસ્પિટલ આહવા તરફથી મેદસ્વી લોકો માટે પ્રમાણસર ઉકાળો આપવામાં આવે છે. આ કેમ્પ ના કુલ ૧૫ દિવસ સફળતા પૂર્વક પૂર્ણ થતાં ફિઝિયોથેરાપિસ્ટ ડૉ. કૃણાલભાઈ બંગાળની અધ્યક્ષતા હેઠળ માર્ગદર્શન સેમિનારનું આયોજન થયું હતું જેમાં મેદસ્વિતા અંગે માર્ગદર્શન આપવામાં આવ્યું હતું.
આ સાથે જ ડાંગ જિલ્લાના કુલ ૨૧ તાલીમાર્થીઓએ અહિં યોગ શિક્ષકની ટ્રેનિંગ લીધી હતી. જે તમામને યોગ ટ્રેનર શિક્ષક પ્રમાણપત્ર એનાયત કરવામાં આવ્યા હતા.
આ કાર્યક્રમમાં ડૉ. કૃણાલભાઈ બંગાળ (ફિઝિયોથેરાપિસ્ટ), જિલ્લા યોગ કો ઓર્ડીનેટર પ્રિયંકા ભોયે, KGBV યોગ શિક્ષિકા પાર્વતી બેન ગાવિત સાથે કેમ્પ સંચાલક ભોયે સરિતાબેન અને કાપડિયા નેહાબેન ઉપસ્થિત રહ્યા હતા.
