શિક્ષકનું ગંદું કૃત્ય : વિદ્યાર્થીનીને પોર્ન ફિલ્મ જોવા મજબૂર કરતાં ગ્રામજનો રોષે ભરાયા
આસામના કરીમગંજ જિલ્લામાં એક શિક્ષકના ગંદા કૃત્યોનો પર્દાફાશ થયો છે. અહીં એક સ્કૂલની છોકરીને અશ્લીલ ફિલ્મ જોવા માટે મજબૂર કરવામાં આવી હતી. રોષે ભરાયેલા ગ્રામજનોએ શાળામાં તોડફોડ કરી આગ ચાંપી હતી. પોલીસે શિક્ષક સામે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) એક્ટની અનેક કલમો હેઠળ કેસ નોંધ્યો છે.
નવી દિલ્હી. આસામના કરીમગંજ જિલ્લામાંથી એક ચોંકાવનારો કિસ્સો સામે આવ્યો છે. અહીંની એક સરકારી શાળાના મુખ્ય શિક્ષક વિરુદ્ધ એક વિદ્યાર્થીનીને વર્ગમાં અશ્લીલ ફિલ્મ જોવા માટે દબાણ કરવા બદલ કેસ નોંધવામાં આવ્યો છે.
કરીમગંજના પોલીસ અધિક્ષક (SP) પાર્થ પ્રતિમ દાસે જણાવ્યું કે આ ઘટના 12 ઓગસ્ટની છે. પોલીસે શિક્ષક સામે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) એક્ટની અનેક કલમો હેઠળ કેસ નોંધ્યો છે.
યુવતીના પરિવારજનોએ જણાવ્યું કે પહેલા તો તે આ ઘટના વિશે જણાવતા અચકાતી હતી, પરંતુ બાદમાં તેણે તેની માતાને આ વાત જણાવી. પીડિતાએ ખુલાસો કર્યો કે શિક્ષકે તેને કંઈક ગંદું જોવા માટે દબાણ કર્યું. આ સિવાય શિક્ષકે તેને અયોગ્ય રીતે સ્પર્શ પણ કર્યો હતો.
એસપીએ કહ્યું કે ગુસ્સે ભરાયેલા સ્થાનિક લોકોએ શિક્ષક પર પણ હુમલો કર્યો, પરંતુ તે સ્થળ પરથી ભાગી ગયો. ગુસ્સે ભરાયેલા લોકોએ શાળામાં તોડફોડ કરી અને આગ પણ લગાવી દીધી. આ મામલામાં એસપીએ કહ્યું કે, ‘સ્થાનિક લોકોએ સરકારી સંપત્તિને નુકસાન પહોંચાડ્યું હોવાથી અમે તેમની સામે પણ કેસ નોંધીશું. અમે હાલમાં આ મામલે તપાસ કરી રહ્યા છીએ.
એક સ્થાનિક વ્યક્તિએ નામ ન આપવાની શરતે જણાવ્યું હતું કે, ‘અમે અમારા બાળકોને શાળાએ મોકલીએ છીએ જેથી તેઓ શિક્ષણ મેળવે અને સારા માણસ બને, પરંતુ આવા શિક્ષક પાસેથી તેઓ શું શીખશે.’
