વાત્સલ્યમ સમાચાર
મદન વૈષ્ણવ-ડાંગ 
ડાંગ જિલ્લાનાં ગિરિમથક સાપુતારા સહિત તળેટીય વિસ્તારમાં આવેલ ગામડાઓમાં વીજળીનાં કડાકા ભડાકા સાથે છૂટોછવાયો વરસાદ વરસતા સમગ્ર પંથકમાં ઠંડકતાની શીત લહેર વ્યાપી જવા પામી હતી..પ્રાપ્ત વિગતો અનુસાર જૂન મહિનાને સપ્તાહ થવા આવ્યો છે.જેની સાથે ચોમાસાની ઋતુએ તૈયારી કરી લીધી છે.ડાંગ જિલ્લામાં હાલમાં ક્યારેક કાળઝાળ ગરમી તો ક્યારેક વાદળછાયું વાતાવરણ જોવા મળી રહ્યુ છે.જેમાં આજરોજ ગિરિમથક સાપુતારા સહિત તળેટીય વિસ્તારનાં ગામડાઓમાં ગાજવીજ સાથે છૂટો છવાયો વરસાદ પડતા સમગ્ર પંથકમાં ઠંડકતાની શીત લહેર વ્યાપી જવા પામી હતી. ગિરિમથક સાપુતારા ખાતે વાતાવરણનાં પલટા બાદ વરસાદ વરસતા જોવાલાયક સ્થળોનું વાતાવરણ આહલાદક બની જવા પામ્યુ હતુ. સાથે ફરવા આવેલ પ્રવાસીઓનો ઉન્માદ બેવડાયો હતો.ડાંગ જિલ્લામાં વહેલી તકે ચોમાસુ બેસવાના સંકેત મળતા ખેડૂતો પણ ખુશખુશાલ બન્યા હતા..
