વાત્સલ્યમ સમાચાર
મદન વૈષ્ણવ
ડાંગ જિલ્લા કોંગ્રેસ સમિતિ દ્વારા દેશના લોહ પુરુષ સરદાર વલ્લભભાઈ પટેલની ગરિમા જાળવવા માટે જિલ્લા કલેક્ટરને સંબોધતુ આવેદનપત્ર પાઠવવામાં આવ્યુ હતુ.જેમાં ડાંગ જિલ્લા કોંગ્રેસ સમિતિના પ્રમુખ સ્નેલભાઈ ઠાકરે અને ગુજરાત પ્રદેશ યુવક મંત્રી મનીષભાઈ મારકણાની આગેવાની હેઠળ આ આવેદનપત્ર પાઠવવામાં આવ્યું હતુ.ત્યારે આવેદનપત્રમાં જણાવ્યા અનુસાર,ગત દિવસોમાં સરદાર પટેલ સાહેબની 150ની જયંતિ જન્મ જયંતીના ઉપલક્ષમાં સરકાર દ્વારા મોટા ઉપાડે રન ફોર યુનિટી અને યુનિટી માર્ચ જેવા ઘણા બધા કાર્યક્રમો કરવામાં આવ્યા હતા અને એમાં પણ આહવા આંબાપડા ચાર રસ્તા ખાતે સરદાર સાહેબની જૂની પ્રતિમા હટાવી મોટી પ્રતિમા મૂકવામાં આવી હતી.ગર્વની વાત છે કે દેશના મહાપુરુષો માટે સરકાર દ્વારા આવા ખાસ કાર્યક્રમ કરવામાં આવે છે,પરંતુ આજે ખૂબ જ ગંભીર બાબત જાણવા મળી છે કે સરદાર સાહેબની પ્રતિમા મૂકી દીધા બાદ આજ દિન સુધી સંપૂર્ણ કામ કરવામાં આવ્યું નથી, અને એ પ્રતિમાની જગ્યાએ નવીનીકરણના નામે વેઠ ઉતારવામાં આવી રહી છે,ઉપરાંત ભૂતકાળમાં જે જગ્યા પરિસરમાં બાંધકામ હતું તે નાનું કરી નવી દિવાલ બનાવવાની તજવીત હાથ ધરવામાં આવી રહી છે જે ખૂબ જ દુઃખની બાબત છે. વધુમાં સરદાર સાહેબની પ્રતિમા જે સ્થળે હતી અને જે ત્રિજ્યામાં બાંધકામ હતું તેટલા જ પરિસરમાં નવું બાંધકામ એ મુજબ થવા જોઈએ. જો સરદાર સાહેબની જગ્યા એક ઇંચ પણ ઓછી થશે તો એ કોઈ પણ ભોગે સાખી લેવામાં નહીં આવે અને જો તંત્ર દ્વારા આ બાબતે સત્વરે પગલા લેવામાં નહીં આવે તો ઉગ્ર અને જલદ આંદોલનો થશે જેની તમામ જવાબદારી તમારી તંત્રની રહેશે એવી ચીમકી પણ ઉચ્ચારવામાં આવેલ છે..
