વાત્સલ્યમ્ સમાચાર
મદન વૈષ્ણવ
ડાંગ જિલ્લા એલસીબી પોલીસ મથકનાં પી.એસ.આઈ.કે.જે.નિરંજનની ટીમે સુબીર પોલીસ મથકનો અપહરણના ગુનામાં સંડોવાયેલ આરોપીને મહારાષ્ટ્ર રાજ્યમાંથી ઝડપી પાડયો છે.ડાંગ જિલ્લા એલસીબી પોલીસ મથકનાં પી.એસ.આઈ.કે.જે.નિરંજન સહિત સ્ટાફનાં માણસોને ખાનગી રાહે બાતમી મળી હતી કે,સુબીર પોલીસ મથકે અપહરણના ગુનામાં નાસતો ફરતો વોન્ટેડ આરોપી જીગ્નેશભાઈ દિનેશભાઈ દળવી (રહે. ગિરમાળ તા.સુબીર જી.ડાંગ) એ છેલ્લા 3 માસથી સગીર વયની દિકરીને લગ્ન કરવાની લાલચ આપી પટાવી ફોસલાવી વાલીપણામાંથી અપહરણ કરી લઇ નાસી ગયેલ હોય.અને અપહરણના ગુન્હામાં નાસતો ફરતા આરોપી- જીજ્ઞેશભાઈ દિનેશભાઈ દળવી હાલમાં મહારાષ્ટ્ર રાજ્યના નાશિક જીલ્લાના પિપલનેર ગામમાં મજુરી કામે અર્થે રોકાયેલ છે.જે બાતમીના આધારે ડાંગ જિલ્લા એલસીબી પોલીસ મહારાષ્ટ્ર પહોંચી હતી,જ્યાં પોલીસને આરોપી તેમજ ભોગ બનનાર મળી આવતા સાપુતારા પોલીસ સ્ટેશન ખાતે લાવવામાં આવ્યાં હતા.તેમજ સાપુતારા પોલીસે આગળની કાર્યવાહી હાથ ધરી છે..
