વાત્સલ્યમ સમાચાર
મદન વૈષ્ણવ ડાંગ ગુજરાત શૈક્ષણિક સંશોધન અને તાલીમ પરીષદ ગાંધીનગર પ્રેરીત અને જિલ્લા શિક્ષણ અને તાલીમ ભવન – વઘઈ જિ.ડાંગ આયોજીત ડાંગ જિલ્લાનો ૮ મો એજ્યુકેશન ફેસ્ટીવલ વઘઈ ખાતે યોજાયો. ડાંગ જિલ્લાનાં પ્રાથમિક અને ઉચ્ચ પ્રાથમિકનાં શિક્ષકો,એક સી.આર.સી.કો.ઓર્ડીનેટર, માધ્યમિક, ઉચ્ચત્તર માધ્યમિક શાળાના ઈનોવેટીવ શિક્ષકો અને પ્રશિક્ષણ સંસ્થા (ડાયટ વઘઇ)નાં એક ઈનોવેટીવ અધ્યાપક મળી કુલ ૪૨ જેટલા ઈનોવેશન રજુ થયા છે.જેઓ શાળા કે વર્ગખંડમાં શિક્ષણ ક્ષેત્રે નવતર પ્રયોગ કરી રહ્યા છે.એવા શિક્ષકોને પ્રોત્સાહિત કરવાના શુભ આશયથી તથા અન્ય શિક્ષકોને પ્રેરણા મળી રહે તે માટે તા. 11/01/2023 થી તા. 12/01/23 દરમિયાન જીલ્લા કક્ષાનાં 8માં EDUCATION INNOVATION FESTIVAL 2022-23નું આયોજન વઘઈ ખાતે કરવામા આવેલ છે.આ ફેસ્ટિવલનાં ઉદઘાટન પ્રસંગે જિલ્લા પંચાયતનાં પ્રમુખ મંગળભાઈ જી.ગાવિતે ઉપસ્થિત રહી સૌ ઈનોવેટીવ શિક્ષકો અને શિક્ષણ સમાજને પ્રેરક વાતો કરી હતી.તેમણે જણાવ્યુ હતુ કે શિક્ષણનાં સુધારા માટે શિક્ષણનાં સુધારા માટે ઈનોવેશન જરુરી છે. આજના ઈનોવેશન ફેરમાં ઈનોવેટીવ શિક્ષકો ઉત્સાહભેર ભાગ લીધો તે બદલ તેમણે શિક્ષકોને અભિનંદન આપ્યા હતા.આ પ્રસંગે કલેક્ટર ધર્મેન્દ્રસિંહજી જાડેજાએ મુખ્ય મહેમાન તરીકે ઉપસ્થિત રહી ઈનોવેશન ફેરમાં જે શિક્ષકોએ ઈનોવેશન રજૂ કર્યા છે તેમને આ ઈનોવેશન તેમના પુરતુ સિમિત ન રાખતા જિલ્લાની શાળાઓ સુધી, શાળાના વર્ગખંડ સુધી પહોંચે તેમ આહવાન કરી શિક્ષકોને માર્ગદર્શિત કર્યા હતા.આ પ્રસંગે ડાંગ જિલ્લા શિક્ષણઅધિકારી વિજયભાઈ દેશમુખ,જિલ્લા પ્રાથમિક શિક્ષણાધિકારી નરેન્દ્રભાઈ ઠાકરે,પ્રાંત અધિકારી એસ.ડી.ચૌધરી અને વઘઈ મામલતદાર એમ.આર.ચૌધરીની પ્રેરક ઉપસ્થિતિ રહી હતી. જિલ્લા શિક્ષણ અને તાલીમ ભવનનાં પ્રાચાર્ય ડો.બી.એમ.રાઉત દ્વારા ઉપસ્થિત તમામ મહેમાનોનું શાબ્દિક સ્વાગત કર્યુ હતુ.સમગ્ર EDUCATION INNOVATION FESTIVALનાં કન્વીનર તરીકે એ.બી.પટેલ કુનેહ પૂર્વક જવાબદારી નિભાવી હતી…