વાત્સલ્યમ સમાચાર
મદન વૈષ્ણવ
પ્રાપ્ત વિગતો અનુસાર ડાંગ જિલ્લાનાં પોલીસ વડા યશપાલ જગાણીયા,તેમજ નાયબ પોલીસ અધિક્ષકોમાં એસ.જી.પાટીલ,જે.એચ.સરવૈયા તથા જે.પી.નલવાયાનાઓએ હાલમાં સાયબર ફ્રોડનાં ગુનાઓ શોધી કાઢવા તેમજ અટકાવવા માટે અવાન-નવાર સુચના તથા માર્ગદર્શન આપતા આહવા સાયબર ક્રાઈમ પોલીસ સ્ટેશનનાં પોલીસ ઇન્સ્પેકટર વી.કે.ગઢવી, તથા તેમની ટીમ દ્વારા ટેકનીકલ સર્વેલન્સ તથા હ્યુમનસોર્સની મદદથી આહવા પોલીસ સ્ટેશન ગુ.ર.નં.11219002240327/2024 ઈ.પી.કો.કલમઃ406,420,506(2) અને આઇ.ટી. એકટની કલમઃ 66(ડી) મુજબનાં ગુના કામેનાં નાસતા ફરતા આરોપીને કચ્છ-ભૂજથી ઝડપી પાડ્યો હતો.જેમાં તા.27/06/2024નાં રોજ ઉપરોક્ત ફરિયાદ આહવા પો.સ્ટે. ખાતે નોંધાયેલ હતી,જેની તપાસ સાયબર ક્રાઈમ પો.સ્ટે.આહવામાં ચાલતી હતી આ કામે ફરીયાદી સુનીલભાઇ સુરેશભાઇ ખેરનારને તા.15/05/2024નાં રોજ ફેસબુકના માધ્યમથી દેવાભાઇ આહીર નામની આઇ.ડી.પરથી સંપર્ક કરવામાં આવેલ હતો.અને તેઓને ચારથી પાંચ દિવસમાં એક લાખ રૂપિયા આપે તો તેના ત્રણ ગણા એટલે કે ત્રણ લાખ રૂપિયા આપવામાં આવશે તેવી લાલચ આપી આરોપીઓએ મોબાઈલ ફોનથી પણ તેઓની સાથે વાતચિત કરેલ હતી. ત્યારબાદ સુનીલભાઇ પાસેથી એક લાખ રૂપિયા બેન્ક ઓફ બરોડાના એક એકાઉન્ટમાં ઓનલાઈન ટ્રાન્સફર કરાવેલા હતા.ત્યાર બાદ આરોપીઓએ ફોન ઉપાડવાનો બંધ કરી દીધેલ હતો.અહી ફરિયાદીને ફ્રોડ થયાનો અહેસાસ થતા તેઓએ આહવા પોલીસ મથકે ફરીયાદ નોંધાવી હતી.બાદમાં આ પ્રકરણ સંદર્ભે ડાંગ સાઈબર ક્રાઈમ પોલીસની ટીમે તપાસ હાથ ધરી હતી. સાયબર ક્રાઇમ પોલીસ સ્ટેશનની ટીમ દ્રારા ટેકનીકલ સર્વેલન્સ તથા હ્યુમનસોર્સથી આ કામના આરોપીઓમાં (1) રમજાન સાલેમામદ સોઢા ઉ.વ.32, ધંધો- ગેરેજ મેકેનીક રહે. રહીમનગર ખારી નદી રોડ ભૂજ-કચ્છ (2) આસીફ ઉમર લંગા ઉ.વ.22, ધંધો-વેપાર, રહે.રહીમનગર ખારી નદી રોડ ભૂજ-કચ્છ વાળાઓને ગુનાના કામે તા.27/10/2024નાં રોજ અટક કરવામા આવેલ હતા તથા આરોપીઓમાં (3) સીકંદર ઉર્ફે સીકલો જુસબ સોઢા રહે.ભુજ તા.ભુજ જી.કચ્છ તથા (4) ફૈઝલ કાસમ લંઘા રહે. જામનગર વાળાઓ ગુનાના કામે નાસતા ફરતા હોય જેથી આરોપીઓને પકડવા ટેકનીકલ સર્વેલન્સ તથા હ્યુમનસોર્સથી કચ્છ-પશ્મિમ જીલ્લા એલ.સી.બી. તથા ભુજ શહેર એ ડીવીઝન પોલીસ સ્ટેશનનાં સંકલનમાં રહી આરોપી સીકંદર ઉર્ફે સીકલો જુસબ સોઢા ઉવ.32 રહે.તયૈબા ટાઉન શીપ રહીમનગર ભુજ તા.ભુજ જી.કચ્છ વાળાને તા.22/01/2025નાં રોજ ભુજથી પકડી લાવી અટક કરવામા આવેલ હતો.તથા પકડવા બાકી આરોપી ફૈઝલ કાસમ લંધા ઉવ.32 રહે.બંગલાવાડી પવનચક્કી રોડ તા.જી.જામનગર વાળાને ભુજ શહેર એ ડીવીઝન પોલીસ સ્ટેશનના સંકલનમા રહી સાયબર ક્રાઇમ પોલીસ સ્ટેશન ડાંગ-આહવાનાં પો.ઇન્સ. વી.કે.ગઢવી નાઓની ટીમે ભુજથી પકડી લાવી તા.08/02/2025નાં રોજ ગુનાના કામે ધોરણસર અટક કરી નામદાર આહવા કોર્ટમાથી દિન-02 ના પોલીસ રીમાન્ડ મેળવી વધુ પુછપરછ હાથ ધરવામાં આવી છે..
