15 ઓકટોબર જીતેશ જોષી પાલનપુર બનાસકાંઠા
શ્રી સોળગામ લેઉવા પાટીદાર પ્રગતિ મંડળ સંચાલિત સ્વસ્તિક શૈક્ષણિક સંકુલ સંલગ્ન સ્વસ્તિક ઇંગ્લીશ મીડીયમ સ્કુલના વિદ્યાર્થીઓ એ દિવાળી મહોત્સવ ખૂબ જ ઉત્સાહથી ઉજવ્યો હતો.
દિવાળી એ અનિષ્ટ પર સારા ની જીતનું પ્રતીક છે કારણ કે આ દિવસે ભગવાન રામ રાવણને પરાજિત કરીને 14 વર્ષનો વનવાસ પૂરો કરીને અયોધ્યા પરત ફર્યા હતા જેની ખુશીમાં અયોધ્યા વાસીઓ એ ઘી ના દીવા પ્રગટાવી , રંગોળી બનાવી ને અને ફૂલો થી રાજા રામ , સીતા માતા અને લક્ષ્મણજીનું નું સ્વાગત કર્યું હતું.
સ્વસ્તિક સ્કૂલના બાળકો દ્વારા અભિનય થકી રાવણ વધ , રાજા રામ અને સીતા માતા નું મિલન , રામજી નું અયોધ્યા આગમન અને શ્રી રામ નો રાજ્ય અભિષેક અનેરા ઉત્સાહ સાથે રજૂ કરવામાં આવ્યો. સમગ્ર વાતાવરણ આનંદમય બની ગયું હતું. આ સંપૂર્ણ કાર્યક્રમ સ્વસ્તિક સ્કૂલના પ્રમુખશ્રી આર એમ પટેલ સાહેબ ના માર્ગદર્શક હેઠળ સ્વસ્તિક ઇંગ્લીશ મીડીયમ સ્કુલ ના આચાર્ય હેતલબેન રાવલે કર્યું હતું. સમગ્ર સ્ટાફ ના સહકારથી કાર્યક્રમ દીપી ઉઠ્યો હતો.
