તેરે મેરે સપને” પ્રિ-મેરીટલ કમ્યુનિકેશન દ્વારા નવસારી અને ચીખલી પોલીસ મથકે બેઇઝ્ડ સપોર્ટ સેન્ટર શરૂ કરવામાં આવ્યા..
વાત્સલ્યમ સમાચાર
મદન વૈષ્ણવ
સમાજમાં થતાં છુટાછેડાના કિસ્સાઓ/બનાવો અટકાવવા તેમજ સારા ભવિષ્યના નિર્માણ માટે “તેરે મેરે સપને”- પ્રિ-મેરીટલ કમ્યુનિકેશન સેન્ટરની અનોખી પહેલ*
*ચીખલી અને નવસારી ખાતે મહિલા અને બાળ અધિકારીની કચેરી નવસારી હસ્તકના પોલીસ સ્ટેશન બેઈઝ્ડ સપોર્ટ સેન્ટર શરૂ*
નવસારી,તા.૧૭: રાષ્ટ્રીય મહિલા આયોગ (NCW) દ્વારા એક પહેલ- “તેરે મેરે સપને” પ્રિ-મેરીટલ કમ્યુનીકેશન સેન્ટર શરૂ કરવામાં આવેલ છે. આ સેન્ટરની વિશેષતા એ છે કે કોઈ પણ યુગલ લગ્ન કરવા ઈચ્છતા હોય તો તેઓ લગ્ન પહેલા આ સેન્ટરનો સંપર્ક કરી પરસ્પર કાઉન્સેલીંગ (પરામર્શ) અને માર્ગદર્શનની સુવિધા મેળવી શકે છે. સમાજમાં થતાં છુટાછેડાના કિસ્સાઓ/બનાવને અટકાવવા તેમજ સારા ભવિષ્યના નિર્માણ કરવામાં આ સેન્ટર અગત્યની ભૂમિકા ભજવશે. પ્રિ- મેરીટલ કમ્યુનિકેશન સેન્ટરએ કમિશ્નર, મહિલા અને બાળ વિકાસની કચેરી ગાંધીનગર પ્રેરિત મહિલા અને બાળ અધિકારીની કચેરી નવસારી હસ્તકના પોલીસ સ્ટેશન બેઈઝ્ડ સપોર્ટ સેન્ટર ચીખલી અને નવસારી ખાતે શરૂ કરવામાં આવ્યું છે. જેમાં પ્રથમ માળ, ટાઉન પોલીસ સ્ટેશન, ટાવર પાસે, નવસારી. મો.નં. ૯૨૨૭૮ ૯૯૨૫૩-૫૪ અને પ્રથમ માળ, પોલીસ સ્ટેશન, ચીખલી. મો.નં. ૯૨૨૭૮ ૯૯૨૫૫-૫૬ ખાતે મહિલા સહાયતા કેન્દ્ર) શરૂ કરવામાં આવ્યું છે. જેથી કોઈ પણ યુગલ લગ્ન પહેલા આ સેન્ટરનો સંપર્ક કરી કાઉન્સેલીંગની સેવા મેળવી શકે છે એમ મહિલા અને બાળ અધિકારી નવસારીની અખબારી યાદીમાં જણાવાયું છે.
