પ્રતિનિધિ:કુંજન પાટણવાડીયા. આણંદ
જી.જી.જસાણી,પોલીસ અધિક્ષક આણંદ નાઓએ જીલ્લામાં આવેલી સબ જેલમાં અવાર નવાર સરપ્રાઈઝ ચેકીંગ કરવા માટે અધિકારીઓને સુચનાઓ આપેલ. જે અન્વયે તા.૨૭/૦૧/૨૫ ના રોજ રાત્રીના સમયે જે.એન.પંચાલ, ના.પો.અધિ.આણંદ ડિવીઝન ના સુપરવિઝન હેઠળ એસ.જી.સોલંકી, પો.ઇન્સ. આણંદ રૂરલ તથા એચ.એચ.પરમાર, રી.પો.ઇન્સ., હેડ કવાટર્સ આણંદ નાઓને સાથે રાખી આણંદ સબ જેલની સરપ્રાઇઝ વિજીટ કરવામાં આવેલ હતી.
જે વિજીટ દરમ્યાન આણંદ સબજેલમાં ત્રણ મહિલાઓ હાજર મળી આવેલ. જે અંગે તપાસ કરતા કોઇપણ સક્ષમ અધિકારીની મંજુરી વગર અનઅધિકૃત રીતે સબજેલમાં આરોપીઓને મળવા માટે પ્રવેશ કરેલ હોવાનુ જણાઇ આવેલ હોઇ આ બાબત ખુબજ ગંભીર હોઇ જેલગાર્ડની ફરજ દરમ્યાન ગેરકાયદેસર રીતે બહારના માણસોને જેલમાં પ્રવેશ આપી એક જવાબદાર પોલીસ કર્મચારી તરીકેની ફરજમાં ગંભીર બેદરકારી અને નિષ્કાળજી દાખવેલ હોય જેલગાર્ડ ફરજ ઉપરના (૧) આ.હે.કો. ભાનુભાઈ અંબાલાલ (૨) અ.હે.કો. કમલેશભાઇ નારણભાઈ (૩) અ.પો.કો. શેતલકુમાર દિનેશભાઈ (૪) અ.પો.કો. દક્ષેશકુમાર હિંમતભાઇ ચારેય પોલીસ કર્મચારીઓને જી.જી.જસાણી, પોલીસ અધિક્ષક, આણંદ નાઓ દ્વારા ફરજ મોકુફી હેઠળ મુકવામાં આવેલ છે.
