વાત્સલ્યમ્ સમાચાર
દિપક પટેલ-ખેરગા
મ
સાપૂતારા સ્પોર્ટ્સ કોમ્પ્લેક્સ ખાતે તા. 20/11/2025ના રોજ સાંસદ ખેલ મહોત્સવ 2025–2026 ઉત્સાહભેર આયોજન કરવામાં આવ્યું હતું. આ પ્રતિષ્ઠિત રમતોમાં શ્રીમદ રાજચંદ્ર વિદ્યાપીઠ તરફથી એકમાત્ર વિદ્યાર્થીની તરીકે માહલા ગંગેશ્વરી (બી.એસ.સી – દ્વિતીય વર્ષ)એ પ્રતિનિધિત્વ કર્યું હતું.જેમાં તેણીએ લોંગ જમ્પ અને દોડમાં સુંદર પ્રદર્શન કર્યું હતું.ખેરગામ તાલુકાની બહેજ પ્રાથમિક શાળાની ભૂતપૂર્વ વિદ્યાર્થીની ગંગેશ્વરી મહેશભાઈ માહલાએ બે વિવિધ રમતોમાં ઉત્સાહપૂર્વક ભાગ લીધો હતો. જેમાં તેમણે લોંગ જમ્પમાં પ્રથમ સ્થાન મેળવી ગોલ્ડ મેડલ 100 મીટર દોડમાં તૃતીય સ્થાન મેળવી બ્રોન્ઝ મેડલ મેળવી ખેરગામ તાલુકાનું ગૌરવ વધાર્યું હતું.આ શ્રેષ્ઠ પ્રદર્શન બદલ તેમને સાંસદ ધવલભાઈ પટેલના હસ્તે વિશેષ સન્માન આપવામાં આવ્યું હતું.ગંગેશ્વરીનો આ ઉત્કૃષ્ટ ખેલ પ્રદર્શન ખેરગામ તાલુકા, બહેજ પ્રાથમિક શાળા તથા શ્રીમદ રાજચંદ્ર વિદ્યાપીઠ માટે ગૌરવની ક્ષણ બની રહી છે. તેમના આ સિદ્ધિભર્યા વિજયોથી અન્ય વિદ્યાર્થીઓને પ્રેરણા મળશે તેવી આશા વ્યક્ત કરવામાં આવે છે.આ સિદ્ધિ બદલ બહેજ પ્રાથમિક શાળાનો પરિવાર તથા ગ્રામજનોએ આનંદ અને ગૌરવની લાગણી અનુભવી હતી
