વિજાપુર આશ્રમ ચોકડી થી મહુડી રોડ વચ્ચે સાઈડ ઉપર સુપર વિઝન કરતા યુવકને ડમ્પરે ટક્કર મારતાં મોત 
વાત્સલ્યમ સમાચાર
સૈયદજી બુખારી વિજાપુર
વિજાપુર આશ્રમ ચોકડી થી મહુડી રોડ વચ્ચે રોડની સાઈડ પૂરવાની કામગીરી ચાલી રહી હતી. જે રોડ ઉપર સાઈડ નુ સુપરવિઝન કરતા મોતીપુરા ગામના આર્યન દિનેશ ભાઈ પટેલ ને ડમ્પરે ટક્કર મારતાં તેઓને સારવાર માટે ખાનગી દવાખાને લઇ જવાયા હતા. જ્યાં સારવાર દરમ્યાન ડોકટરે મૃત જાહેર કરતા યુવકના દેહને પી એમ માટે સરકારી દવાખાના મા લાવવા મા આવ્યા હતા. માતા પિતા નો એકનો એક આશાસ્પદ દીકરો ના મોત ને પગલે કરુણા સભર દૃશ્ય સર્જાયા હતા. અકસ્માત ની મળતી માહિતી મુજબ મોતીપુરા ગામના આર્યન દિનેશ ભાઈ પટેલ થોડા સમય પહેલા રોડ ની સાઈડ બનાવતા કોન્ટ્રાકટર ને ત્યાં સુપર વાઇજર તરીકે નોકરીએ લાગ્યા હતા. જોકે મૃતક ને ઓસ્ટ્રેલિયા જવા માટે ના વિઝા પણ પાસ થયેલા હતા. થોડા દિવસ પહેલા લગ્ન થયા હતા. ઘરને મદદ રૂપ બનવા આર્યન પટેલે રોડ ની સાઈડ ની સુપર વાઈજર ની નોકરી સ્વીકારી હતી. તેઓ આશ્રમ ચોકડી થી મહુડી ઉપર રોડ ની કામગીરી નુ સુપર વિઝન કરી રહ્યા હતા. તે સમયે બપોરે ડમ્પરની ટક્કર વાગતા ગંભીર ઈજાઓ થઈ હતી. તેઓને સારવાર માટે ખાનગી દવાખાને લઇ જવાયા હતા. ગંભીર ઈજાઓ ના કારણે સારવાર દરમ્યાન તેઓનું મોત નિપજતા તેઓને પીએમ માટે સરકારી દવાખાને લાવવા મા આવ્યા હતા. જ્યાં પોલીસે સ્થળ ઉપર પંચનામુ કરી પીએમ કરાવી ને ડમ્પર ના ચાલક વિરૂદ્ધ અકસ્માત નો ગુનો નોંધી કાયદેસરની કાર્યવાહી હાથ ધરી છે.
