ભારતીયોનો સોના પ્રત્યેનો મોહ હવે માત્ર ઘરેણાં પૂરતો મર્યાદિત નથી રહ્યો, પરંતુ રોકાણ તરીકે પણ સોનું નવી ઊંચાઈઓ સર કરી રહ્યું છે. વર્લ્ડ ગોલ્ડ કાઉન્સિલના તાજેતરના અહેવાલ મુજબ, જાન્યુઆરી 2026માં ભારતીય ગોલ્ડ ETFમાં રોકાણનો આંકડો આશ્ચર્યજનક રીતે 98% વધ્યો છે. વર્લ્ડ ગોલ્ડ કાઉન્સિલના ડેટા મુજબ, ભારતમાં સતત આઠમા મહિને ગોલ્ડ ETFમાં રોકાણ વધ્યું છે. વર્ષ 2025માં કુલ 4.68 અબજ ડોલરનું રોકાણ આવ્યું હતું, જે 2024ની સરખામણીએ 262% વધુ છે. રોકાણકારો હવે ફિઝિકલ ગોલ્ડ (દાગીના) ખરીદવાને બદલે ડિજિટલ ફોર્મેટ એટલે કે ETFમાં પૈસા લગાવવાનું વધુ પસંદ કરી રહ્યા છે, કારણ કે તેમાં શુદ્ધતા અને સુરક્ષાની ચિંતા રહેતી નથી.

જાન્યુઆરી મહિનામાં વૈશ્વિક ગોલ્ડ ETFની કુલ સંપત્તિ રેકોર્ડ 669 અબજ ડોલર પર પહોંચી ગઈ છે, જે અગાઉના મહિનાની સરખામણીએ 20% નો વધારો સૂચવે છે. સોનાના ભાવમાં 14% ના વધારા છતાં રોકાણકારોએ ખરીદી ચાલુ રાખી હતી. ઉત્તર અમેરિકા અને એશિયા આ વૈશ્વિક માંગમાં મોખરે રહ્યા છે. સોનામાં રોકાણ વધવા પાછળ અમેરિકાની ફેડરલ રિઝર્વની નીતિઓ અને રાજકીય અનિશ્ચિતતા મુખ્ય કારણ છે. નવી ફેડ ચેર તરીકે કેવિન વોર્શની નિમણૂક અને પ્રમુખ ટ્રમ્પની પ્રાથમિકતાઓ વચ્ચેના તાલમેલને લઈને બજારમાં અસમંજસની સ્થિતિ છે. આ ઉપરાંત, ભવિષ્યમાં વ્યાજ દરોમાં ઘટાડાની અપેક્ષાએ રોકાણકારોને ગોલ્ડ ETF તરફ આકર્ષ્યા છે.

Nikhil Bhatt
Business Editor
Investment Point

ડિસ્ક્લેમર / પોલીસી / શરતો www.nikhilbhatt.in ને આધીન…!!!

The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in

Sorry, there was a YouTube error.